ያግኙን

 

mockup 3Please visit us every time, we hope you enjoy it and welcome any feedback. Please send any comments and questions to us at

[email protected]
[email protected]

Alyou Tebeje: Owner & Editor in Chief of zehabesha.com  from 2005 – Present


Alyou Tebeje is the founder and executive editor of the zehabesha.com, mahderetena.com, also in the past administered Kinijit North America, Kinijit, Andinet Party and Finote Netsanet Websites.

Zehabesha

mockup 3

17 Comments

  1. Zehabesha publishers,
    I am glad you are becoming a source of info esp for Ethiopians. But there is a lot more to do. If I were you I would take time to study reasons for readers deserting Abugida, Ethiomedia, and Ethiopia Register.

    If you think you could go on promoting your biases in the guise of providing fair and factual perspectives, think again. Sooner or later you will meet the fate of Abugida.

  2. ሐበሻ ዜና በኢትዮጵያ ውስጥ በጣም አንባቢ ያለው ድህረገፅ ጋዜጣ ነው ፡፡ እንደኔ ምልከታ. ሐበሻ ዜና አርታኢ ገጽ እና አንዳንድ የዜና ሽፋኑ ተራማጅ እይታ እና የአለምን የእድገት እይታ ያዘሉ ናቸው። ነገር ግን ሐበሻ የሪፖርት ሥነምግባር ደረጃዎችን እና የጋዜጠኝነትን መደበኛ ይዘቶችም በሁሉም መስክ ያመጣጠነ ነው:: በንግድ ፣ በፖለቲካ እና በባህል ሽፋን መሪ እንዲሆን ጥርጣሬ የለኝም።

  3. ወደ አስመራ የሚመለሱ የተቸገሩ ኤርትራዊ መንገደኞች የግድ ገንዘብ መዘረፍ አለባቸዉ?

    የአስመራዉ መንግስት ኮሮናን መከላከል የምንችለዉ በራችን ጠርቅመን ነዉ በማለት ወጥቶ የነበረዉ ሰዉ እንዳይመለስ ሆኖ በኢትዮጵያና ሌሎች አገሮች ለወጪዎችና ሌላም ችግሮች ተዳርጎ ቆይቷል።
    ታድያ ከዉጭና ከዉስጥ ጭሆት ሲበዛ የኤርትራዉ መንግስት፡ የኤርትራ ቀዋሚ ነዋሪ መሆናቸዉ ማረጋግጥ የሚችሉ መመለስ ይችላሉ ብሎ በመወሰኑ የኢትዮጵያ አየር መንገድ ከጥቅምት መጨረሻ አከቢ ወደ አስመራ እንደሚበር በድረ-ገጹ የበረራ ፕሮግራሙን ማስታወቅ ጀምሯል።
    አስገራሚዉ ነገር ግን አየር መንገዱ በምን ምክንያት እንደሆነ ግልጽ ባይሆንም ከአዲስ አበባ አስመራ የአንድ ጊዜ መሄጃ ቲኬት ዋጋ በአጭር ጊዜ ከ7000 ወደ ከ27000 የኢትዮጵያ ብር በላይ ከፍ አድርጎታል። ከዚህ በላይ አስደንጋጭ ዘረፋ ምን ሊኖር ይችላል?
    በዚሁ ኮሮና አስጨናቂ ወቅት ተዘግቶባቸዉ ለወራቶች ሲሰቃዩ የነበሩ ኤርትራዉያን አሁን ደግሞ በኢትዮጵያ አየር መንገድ ሊዘረፉ ነዉ።
    ይህ እጅግ ያሳዝናል።
    የኢትዮጵያ አየር መንገድ የሰዉን ችግር ለጥቅሙ ባያዉለዉ መልካም ነዉ።

  4. TMH በ10/04/20
    በሚል ርእስ አወያዩ አቶ ስታሊን “ዶ/ር ሮንዳስ እሸቴ” ብሎ ከጠራው ሰው ጋር ባደረገው ውይይት ወቅት ሮንዳስ የተባለው “ዶ/ር” የ 10 ስኮንድ እንሰሳዊ ንግግሩን ህዝብ እንዲያውቀው በቪድዮው ላይ ይህንኑ ያለበትን ደቂቃና ሰኮንድ ጠቅሼና
    [ከ29:52 ደቂቃ እስክ 30፡02 ደቂቃ]
    የኔኑ እጅግ በጣም የተመጠነ አስትያየቴን ጨምሬ አስፍሬያለሁ፡፡ ይህኑ አስትያየቴን ከታች ለአንባቢዎች እንደገና አስፍሬዋለሁ፡፡ ከሮንዳስ እንሰሳዊ እሳቤ በተለየ መልኩ ሆኖ እኔም አብይ አገሪቱን በትክክለኛው መንገድ እየመራት እንዳልሆነ እገነዘባለሁ፡፡ በዝነኛው ፕሮፌሰር መስፍን ወልደማርያም የተነገረውን ምክር (ነፍስ ይማር እያልኩ) በአንድ እጁ ህግ በሌላኛው እጁ ሰይፉን መያዝ ባለማወላወል መጓዝ ግድ ይለዋል፡፡ ካላዳላና (የሚያዳላ ይመስለኛል) ካልሰረቀ (ሌባ ፈጽሞ አይመስለኝም) ፡ አሁንም ጊዜው አልመሸበትም፡፡ክወያኔ ሌቦችና ከተረኛ ነን ባዮቹ በስተቀር ህዝቡ አሁንም ከጫፍ እስከጫፍ ከእርሱ ጋር ይቆማል፡፡ እነዚህ ሁለቱ ስብስቦች ፈጽሞ የህዝብም የእውነትነትም መሰረት የላቸውምና በቀላሉ ይናዳሉ፡፡ ካስፈለገም ይመታሉ፡፡ ይህንን ማድረግ ደግሞ እጅግ አስፈላጊና አማራጭ የሌለው ቀጭን ግን ብቸኛ የመፍትሄ መንገድ ነው፡፤ አለበለዚያ አብይም “ህልሙ” ይከሽፋል፡ አገሪቱም በአብይ አመራር ስህተት ምክንያትነት ብቻ ችግር ውስጥ ትወድቃለች፡፡

    My TMH comment on the issue was the following
    ሮንዳስ እሽቴ ፦ በዚህ ቪድዮ ላይ በትክክል ደቂቃውን ለመጥቀስም ያህል ከ29 ደቂቃ 52 ሰኮንድ ጀምሮ እስከ 30ኛው ደቂቃ 02 ስኮንድ ድረስ ለ10 ሰኮንዶች የተናገርከው ይህንን ነው፡፡ ” አብይን አርዶ ስጋውን ተከፋፍሎ ጠብሶ መብላት ” ብለሃል፡፡ የሰውየውን ሰቅጣጭ አባባል እውነት( ሰው ነውን???) ለህጋዊ እርምጃም ሆነ ለመታዘብ እባካችሁ በቪድዮው የተጠቀሰውን 29ኛ ደቂቃ ላይ ሂዱና አረመኔው ሮንዳስ ያለውን ስሙት፡፡ ዶክተር ነው ተባየው ሮንዳስ ፦ ዱሮስ እናንተ……. ሰው አርዶ ስጋውን ተከፋፍሎ ጠብሶ መብላት……..

    • ከላይ ለሰፈረው ጽሁፌ የOct. 4,2020 የTMH (Tigray Media House) የውይይቱ ርእስ የነበረው
      የሚል ነበረ; ከይቅርታ ጋር !

  5. “አብዮቱ እንቁላሌን ከመበላት ያስጥልልኛልን?..”
    ጌድዮን በቀለ
    [email protected]
    ኖቬምበር 8፣ 2020 አርሊንግተን ፤ቨርጅንያ
    ጊዜው ሚያዝያ 1991 አ,ም ነበር፤ በኢትዮጵያ ወገን ከ70ሽህ በላይ ወጣቶችን ቅርጥፍ አርጎ የበላው የባድሜ ጦርነት መፈንዳቱ ይፋ የሆነበት፤ የወያኔና ሻቢያ የጫጉላ ሽርሽር ያበቃበት እለት፡፡ ቦታው ባህርዳር የአማራ ክልል መናገሻ ከተማ፤
    እንደተለመደው ከጓደኞቼ ጋር ሆኘ ዘወትር እራት ከምበላበት ኤርትራዊው አቦይ ኪዳኔ ግሮሰሪ ጓዳ ባለገመዱ ሶፋ ላይ ተቀምጨ ያቦይ ኪዳኔ ልጅ ማርታ ከጎረቤታቸው ካለው ምግብ ቤት ያዘዝኩትን ራት አምጥታልኝ አጎንብሼ እየጎራረስኩ በቢራየ አወራርዳለሁ፡፡ ከስራ አምሽቼም ብወጣ እንኳ ቋሚ ደንበኛና ቤተኛ ስለሆንኩ የግሮሰሪው ባለቤት ልጅ ማርታ ምግብ ቤቱን አስከፍታ በልዩ ትእዛዝ አሰርታ ስለምታስመጣልኝ እራት አጥቸ አላውቅም፡፡
    እንደኔ ሌላው የመሸታ ቤቱ ደንበኛ በስካር አንደኛነቱ የተጨበጨበለት የክልሉ የደህንነት ቢሮ ሃላፊ የትም ውስኪውን ሲጋት አምሽቶ ያቦይን ግሮሰሪ ሳይረግጥ አያድርም፡፡ በዚህ የተነሳ ከእኔ ጋር አዘውትረን እንገናኛለን፤ ዛሬም እንደወትሮው ሁሉ ገና በሁለት ሰአት ከምሽቱ ጥንቢራው ዞሮ እየተንገዳገደ ገባና ከእኔ በስተቀኝ በኩል ካለው አግዳሚ ወንበር ላይ ወርዶ ዘጭ አለ፡፡ “ እህም… ነጋዴው አለህ እንዴ? “ አለና ተደላድሎ ሳይቀመጥ የነገር ጉሸማውን ለመጀመር አኮበኮበ፤
    “ አለሁ የት እሄዳለሁ?” አልኩት ደረቅ ፈገግታ አሳይቼ፤ “ የለም! የለም! አገር ሲወረር የት ነበርክ? ማለቴ ነው” አለኝ እየተለፋደደ፤ ትውውቃችን ከጎንደር ጨዋ ሰፈር ጀምሮ በ1960ዎቹ መጨረሻ ኢህአሠን ተቀላቅለን ጫካ እስከገበንበት ይዘልቃል፡፡ ዛሬ እሱ የባለጊዜዎቹ “ድል አድራጊ” ገዥዎች ዋና የደህንነት ሹም እኔ ደግሞ በአንደበቱና እውቀቱ አዳሪ የኮምፒዩተር ባለሙያ መምህር ሆኜ ብንገናኝም በመነቋቆር የተሞላው ጨዋታችን ግን ከነበረን የቆየ የትውውቅ ስንቅ የሚቆነጠር ነበር፡፡
    በዚህ የተነሳ ሞቅ ካላለው በፈገግታ የታጀበ ሳቅና ጨዋታ፤ ሞቅ ካለው ደግሞ በስላቅ ሳቅና ሽሙጥ እየተሸንቋቆጥንና እየተነቋቆርን እንተላለፋለን፡፡ ሁልጊዜ ስላቁ የሰላ ቢሆንም፤ በዚህ የተነሳ እኔን ለክፉ ያሰጠኛል ብዬ አስቤም ፈርቼም አላውቅም፡፡ በዚህ ምሽት ግን ደህንነቱ ወዳጄ ጥንቢራው የዞረው በመጠጡ ብቻ ሳይሆን “ ያመኑት ፈረስ.. “ እንዲሉ የፈጣሪያቸው ሻዕቢያ ክዳት እንደተጨመረበት ለማሳየት ጊዜ አላባከነም፡፡” እንግዲህ ጦርነቱ ተጀምሯል! አሁን ደግሞ ከየትኛው ጎራ ተሰልፈህ ይሆን? አለኝ ከወትሮው በተለየ የሽሙጥ ስላቁን አጠንክሮና እርግጠኛ በሆነ ስሜት፤
    “የትኛው ጦርነት? “ አልኩት የጠቀለልኩትን እየጎረስኩ ባልገባውና ባልሰማ ሰው የተረጋጋ መንፈስ፤
    “ጭራሽ! ጦርነቱን አልሰማሁም እያልከኝ ባልሆነ! “ አለኝ ከበፊቱ ተቆጥቶና ተኮሳትሮ ጉሽርጥ የመሰለውን አይኑን እያጉረጠረጠ፤
    “እውነቴን ነው ፤ ከጭምጭምታ ያለፈ አልሰማሁም፤ ጦርነት ተጀመረ እንዴ? “ አልኩት በተረጋጋና የእሱን ቁጣ ያላስተዋለ ነፈዝ በመምሰል፤
    “ ከአብዮታዊነት ጭልጥ ወዳለ ሶልዲ (ፍራንክ) አሳዳጅነት መሻገር የሚገርም መንሸራተት ነው” አለኝ፤ ሽርደዳ መሆኑ ነው ፤ ቀጠለ” ዛሬ ቁርጥ ያለ አቋምህን ማወቅ እፈልጋለሁ፤ ያለው ሁለት አማራጭ ብቻ ነው! “ የተወረረብንን ግዛት አስመልሰን ሏላዊነታችንን እናስከብራለን ፤የሚልና የለም ቀይባህር ውስጥ እንጨምራቸዋለን፤ አሰብን እንቀማቸዋለን የሚል የትምክህት ጎራ አማራጭ፤ አንተ የየትኛው ጎራ ነህ? መቸም በዚህ አያያዝህ ከትምክህተኞት ጎራ የምጸለፍ ይመስለኛል፤ አለ የምጸት ሳቅ እየሳቀ፡፡
    ”ከሁለቱም ያልሆነ ሶስተኛም ፤አራተኛም ምርጫ አለ እኮ፤ አንተ አልታየህ ይሆናል እንጅ” አልኩት እኔም በምጸት የለት እንጀራዬን እየበላሁ፡፡
    በፍጹም! ሊኖር አይችልም! ማንም ቢሆን ከነዚህ ሁለት አማራጮች አይወጣም! አለኝ፤”
    “ ሶስተኛው ወገን ቢያንስ ይጠይቃል፤ ውጊያው ለምን አስፈለገ? ከውጊያው ምን አተርፋለሁ? ይልና የሚያስገኝለትን ትርፍና ኪሳራ መዝኖ ከውጊያ በመለስ ያለ አማራጭ ላይ ሊያማትር ይችላል፤ ይሄ ቢያንስ ሶስተኛ አማራጭ ሊሆን አይችልም?” አልኩት በለበጣ የጎሪጥ እያየሁት፡፡ እስክጨርስ አልጠበቀኝም፤ ከተቀመጠበት ተፈናጥሮ ተነሳና እየተንቀጠቀጠ አምባረቀብኝ፤ “ ይሄን ያክል ትዘቅጣለህ ብየ አልጠበኩም ነበር፤ የነዋይ ፍቅርህ ከህዝባዊ ትግልና ከሃገር ፍቅር ስሜትህ ልቆ ይቦጠቡጥሃል ብዬ አልገመትኩም ነበር” አለኝ የኔ “ አገር ወዳድ ባለጊዜ”፡፡
    ጩኸቱና ቁጣው ያስደነገጣቸው ጓደኞቼ የሰውየውን ባለጊዜነትና የስልጣን ጉልበት ስለሚያውቁ የሚገቡበት ጠፋቸው፤ ያችን ቀን ከኔ ጋር በመታየታቸው ነገ ከነገ ወዲያ በስራቸውና በህይወታቸው ላይ ሊደርስ የሚችለው መአት እያሰቡ ተሽቆጠቆጡ፡፡ ለኔ ግን ከቀድሞው የኢህአፓ ባልንጀሬ ፊት ላይ ያነበብኩት ድንፋታ ከተበለጥኩ የባዶነትና ፤ ከተከዳን ቁጭት የመነጨ የተሽናፊነት ብስጭት እንደሆነ ለመረዳት ጊዜ አልወሰደብኝም፡፡ ከዚያ በፊት በነበሩ ጊዜያቶች “የማን ወገን እንደሆንኩ” ለማወቅ ያደረገው ጥረት ሳይሳካለት መቅረቱ ተደማምሮ አቃጥሎታል፡፡ የስለላ ጥረቱ እኔን ሰውየውን ሳይሆን እኔ የማላውቀውን ማንነት ከጀርባየ ለመቆፈር መሞከሩ ያስከተለበት ኪሳራ መሆኑን እንኳ አልተገነዘበም፡፡
    “አምርረሃል እንዴ? ይሄን ያክል አገርህንና አገሬን ከእኔ አስበልጠህ እንደምታፈቅራት እየነገርከኝ ከሆነ ከመሸታ ወጭ ተገናኝተን አገሪቱ በማንኛችን ሰበብ የተነሳ እዚህ ፈተና ውስጥ እንደገባች ተነጋግረን ሂሳብ ልናወራርድ እንችላለን፤ ያኔ እጅግ ቢያንስ የመከላከል አቅሙ ቢያጥጥብኝ ያለአበሳዬ ሌሎች ባቀጣጠሉት ነበልባል ሳልጠይቅና ሳላስተውል ገብቼ የምማገድ የእሳት እራት አለመሆኔን ትረዳልኝ ይሆናል! ከማለቴ በቆመበት ሳይቀመጥ ተፈናጥሮ ወጥቶ ሄደ፡፡
    ይሁንና ጦርነቱን እኔ ብደግፍም ባልደግፍም፤ ማስቆም ግን አልተቻለኝም ነበርና በጦርነቱ የተቃጠሉና የረገፉ ወገኖቼን ልቅሶ አብሬ ከማልቀስ ግን አላመለጥኩም፡፡ እንበለ ትርፍ ደማቸው ከፈሰሰው፤ አጥንታቸው ከተከሰከሰው ከሰባ ሽህ ሙታን ኢትዮጵያውያን ወጣቶች ቤተሰቦች ጋር ልቤ እንደተሰበረ እስከዘንድሮ አለሁ፡፡
    “አገርህ ተወረረች “ ሲባል እየፎከረ የፈንጅ ማምከኛ ሆኖ የተማገደው ኢትዮጵያዊ በማይተካ ህይወቱ ያተረፋት አገር ከድል ማግስት ቋንቋው፤ እምነቱና ማንነቱ እየተመነዘረ ያለርህራሄ በጭካኔ የሚገድልባት፤ በቆንጮራ የተቀላው አንገቱ፤ በሳንጃ የተዘከዘከው አንጀቱ የሚቀበረበት አፈር እንዲነፈገው ሆነ፡፡ የሞተላት ኢትዮጵያ የመቆሚያ መቀበሪያውን ነፈገችው፡፡ እሳቱን የለኮሱት ነፍሰበላዎች ግን በአጥንቱና በመቃብሩ ላይ ህንጻ በህንጻ ላይ ሲገነቡ እሱ ከእነማቲዎቹ ይልሰው ይቀምሰው አጥቶ የመኖር ህልውና ተነፍጎት እንደተሳደደ ቀጥሏል፡፡
    ስለሆነም ዛሬ አብረው ገዝተውን፤ ተባብረው አዳምተውን፤ ያቋሰሉን አጋዳዮቻችን በሁለት ጎራ ተከፍለው “የማን አባት ገደል ገባ” ሲሉን አስቀድመን እንዲህ ብለን እንጠይቃለን፤
    `የጆርጅ ኦርዌሏ ዶሮ እንደጠየቀችው፤ “ ከዚህ ጦርነት ምን እናተርፋለን?” ብለን በመጠየቅ እንጀምራለን፡፡
    “ በእርግጥ አብዮቱ እንቁላሎቼን ከመበላት ያድንልኛልን? የሚታለበው ወተቴ ለጥጃየ እንደማይነፈገው ያረጋግጥልኛልን? …” እያልን እንቀጥላለን ፡፡ ከዚህ ጦርነት በኋላ በዘራቸው ፤ በቋንቋቸው፤ በእምነታቸውና በሆኑት አንዳች ምክኛት የሚታረዱ አማሮች፤ጉራጌዎች፤ ጋሞዎች፤ አገዎች፤ አፋሮች፤ ሶማሌዎች ፤ ጌዲዎዎችን ፍልሰት ይገታልን ? ብለን እንሞግታለን፡፡
    ይህ ጦርነት የሰቆቃችን ሁሉ ምንጭ የተቀዳበት መርዘኛ ብልቃጥ ላንዴና ለዘላለም ይታሸጋል? አሁን የገባንበት አበሳ ጠንሳሽ የሆነው ትህነግ በዚህ ጦርነት የሚወገድ ከሆነ እሱ የተሰራበት የሞት ሰነድ በዚህ ጦርነት ተቀዳዶ በምትኩ የህይወት ሰነድ ይተካል? ወይስ ሞታችን የገዳያችንን ሰነድ ዘላለማዊነት የማጽናት ነው?
    እንጠይቃለን! ይህ ጦርነት “ አማራ የሚባል ጭራቅ መጣብህ!” በሚል ሃሳዊ ትርክት የተዘራውን የጥላቻና ባንድ ወገን ላይ ያነጣጠረን መሰሪ የፈጠራ ዘመቻ ያስቀራልን? እያልን እየጠየቅን ፤ ለጥያቄአችንም ዋስትና የተግባር ምላሽ ማግኘት የዚህ ጦርነት ቁልፍ ተልእኮ ሊሆን ይገባል፡፡
    ከጦርነቱ መልስ በጭራሮ የዘጋነው ጎጆአችን ውስጥ የቀቀልነው ንፍሮ ተከፍቶ አለመበላቱን፤ በሰታቴ የተጣደው አጥንታችን ተግጦ መግላሊቱ ተሰብሮ በዝንብ አለመወረሩን፤ የጭራሮዋ ቤታችን ፈራርሳ መጠለያ አለማጣታችንን ካላስረገጥን ፤ እጣ ፋንታችን፤ በሞታችን አገራችንን ከማዳን ይልቅ ጨርሶ ማጣትን እንደማይስከትል ልብ እንድንል የትናንትናዎቹ ውድቀቶቻችን ትምህርት ሆነው ካላነቁን ያው ከሙታን በምን ያክል እንሻላለን??? ጥያቄ፡፡

  6. የምትገርም አገር
    ጃዋር እና እስክንድር እየተናበቡ ነው፡፡ (OMN) እና Ethio 360ም እየተናበቡ ነው፡፡ አሉን ሳያፍሩ !!
    ዛሬም በጦርነት ወቅት፡ ዛሬም የአገሪቱ የጉዞ አቅጣጫ ባልለየለት ጊዜ፡ ዛሬም እንደ አገር ለመቀጠል/ላለመቀጠል በገደል አፋፍ ላይ ቆመን ባለንበት ጊዜ ፡ ዛሬም ሚሊዮኖች በረሀብ አለንጋ ሊረግፉ ባሉበት ወቅት፡ ዛሬም ከውጭም ከውስጥም ጠላትም ወዳጅም እየተወራረድብን ባለበት ክፉ ቀን ላይ ሆነን አሁንም ለግል ስልጣን፡ አሁንም ለግል ምቾትና ዝና፡ ለግል የረዥም አመታት የመግዛት ከንቱ የማይሳካ ቅዠትና ምኞት ህዝቡንና አገሪቱን መረማመጃ ማድረግ እጅግ የከፋ፡ እጅግ የከረፋ እጅግ የወረደ ቆሻሻ ድርጊት ነው፡፡
    እስኪ እግዜር ያሳያችሁ፡፤ ተከበብኩ ብሎና፡ መንጋ ሰብስቦ ሰውን በዘር እየለየ በመምረጥ እንድታረዱ ያስደረገው ጃዋር ነው፡፡ ሻሸመኔ ላይ ሰው ዘቅዝቆ ያሰቀለው ጃዋር ነው፡፤ ከዚህ በተቃራኒው አዲስ አበባ የኗሪዎችዋ ነጻ ምርጫና ውሳኔ ተከብሮ እንደ በዚህ ቀደሙ ቁመናዋ ራስዋን በራስዋ እንዳታስተዳድር በአብይ አህመድ እየተሰራባት ያለውን ሽፍጥ በድፍረትና በግንባር ቀደም መሪነት ሲታገል የነበረው የህሊና እስረኛው እስክንድር ነጋ ነው፡፡ ታዲያ ታላቁ እስክንድርን ከአረመኔው ጃዋር ጋር እየተናበቡ ነው ወንጀል የሰሩት ብሎ ማለት ምን ማለት ነው? በሰማይና በምድር፡ በፍልስፍና፡በእምነት፡ በአስተሳሰብና በህሊና ምዘና የማይገናኙትን እነዚህን ሁለት ሰዎች ወንጀል የፈጸሙት እየተናበቡ ነው ብለው ክስ እንዲመሰረት ያደረጉት የአሁኗ የአዲስ አበባ ከንቲባ የበፊቷ አቃቤ ህግ መሆናቸው ይታወሳል፡፡
    ይታያችሁ፦ እስክንድር በአንድነት በማመን በአስተሳሰቡ “ለሁላችን” በሚል ጎራ ሲመደብ ጃዋር በተቃራኒው “ሁሉ የእኔ” የሚሉ የኬኛ መንጋዎችን ይዞ በተረኝነት በዘረፋና ግዲያ ላይ ተሰማርቶ የነበረ ሰው ነው፡፤ በኦሮሙማ እምነታቸው አብይ አህመድም ጃዋር መሀመድም ዳውድ ኢብሳም ዶ/ር መራራም ታዬ ደንደአም ፡አዲሱ ቂጤሳ፡ ሽመልስ አብዲሳም ሆነ ሁለቱም ሌንጮዎች ወዘተ ያው አንድ ናቸው፡፤ የኦሮሞ የበለይነት፡፡ ሁሉ የእኛ፡፡ በድምሩ ዘመናዊ ድንቁርና፡፤ የማይሳካ ቅዠት፡፡ በዜግነት ኢትዮጵያዊ ለመሆኑ ጉዳዩ ተድበስብሶ መማረጋገጫ ሳያገኝ የቀረው የኦፌኮው አባል (መሪ እንበለው) ጃዋር አሁን በእስር ላይ የሚገኘው በአንድ ምክንያት ብቻ ነው፡፤ ይህም በአብይ አህመድ ወንበር ላይ ስላፈጠጠ ብቻ ነው፡፡ ይህ ነው እውነቱ፡፡ይህ ባይሆን ኖሮ ጃዋር ያሻውን ወንጀል ሁሉ እንደፈለገ ቢፈጽም ጠ/ሚ/ር አብይ አያስሩትም ነበረ፡፤ ሚስጢሩም አብይ ጃዋርን በስልጣኑ ላይ ለመቆየት “ለሌሎች” የማስፈራሪያ መሳሪያው አድርጎ ይመለከቱት ስለነበረ ነው፡፤ ትክክለኛ አሰራርን የሚከተል ትክክለኛ መንግስት ቢኖር ኖሮ ጃዋር ከኢትዮጵያ የውጭ ታሪካዊ ጠላቶች ጋር በመመሳጠርና “ሁለተኛ መንግስት እኔ ነኝ” ብሎ በኦሮሙማ ሰንሰለት ያንን ሁሉ ሲያዘርፍና ጭፍጨፋ ሲያስፈጽም ዝም ባልተባለም ነበረ፡፤ ትክክለኛ አሰራርን የሚከተል ትክክለኛ መንግስት ቢኖር ኖሮ ከወያኔ እስር ቤት የወጣውን እስክንድር ነጋን አሁን መልሶ የውሸት ሴራ ፈጥሮ እንደገና በለውጥ ሀይል ተብየው እንድታሰር ባልተደረገ ነበረ፡፡
    አሁን ደግሞ በደህንነቱ መ/ቤት በሁለተኛ ደረጃ ካለው ሰው አፍ ሌላ ጉድ እየሰማን ነው፡፡ ይህም የጃዋር OMN እና Ethio 360 ሁለቱም የወያኔ ቅጥረኞች ሲሆኑ የሚሰሩትም እየተናበቡ ነው የሚል ነው፡፡ ይህ ቆርጦ ቀጥል ውሸት፡ ይህ የተሾረበ የኦሮሙማ ሴራ ፤ይህ የሚገማና የሚገለማ የፖለቲካ ድሪቶ ነው፡፡ Ethio 360 አያሌ ኢትዮጵያዊ ጉዳዮች የሚመከሩበት ነጻ የሆነ የሚሊዮኖች ኢትዮጵያዊያን መድረክ ነው፡፤ እኛ ኢትዮጵያዊያን ከምንኮራባቸውና አለኝታዎቻችን ከሆኑት ነጻ ኢትዮጵያ ኢትዮጵያን ከሚሸትቱ መድረኮች አንዱ ነው፡፡ የማያወላውል አቋሙም ጸረ ወያኔና ጸረ ኦነግነት ነው፡፤ የጃዋር OMN ግን በአጭሩ ጸረ ኢትዮጵያ የሆነ በኦሮሙማ መርዝ የተመረዘ ዘረኝነትን የሚሰብክ መድረክ ነው፡፤ OMN ከወያኔ ጋር የተቧደነ ጸረ ኢትዮጵያ መድረክ ነው፡፡ ለዚህም ብዙ ማስረጃዎች አሉ፡፡ በሬድዮ ስርጭቱ ከባድ እልቂትን በማስከተሉ በሩዋንዳ በአዋጅ እንደታገደው እንደ RTLM ሬድዮ ጣቢያ ሁሉ OMN ኦሮሞ በአማራና ሌሎች ዘሮች ላይ ተነስቶ ፍጅትና ጭፍጨፋ እንዲፈጽም የሚቀሰቅስ መድረክ ነው፡፤ይህንኑም አብይ አህመድን ጨምሮ ብዙዎች ያውቁታል፡፡ ታዲያ እንዴት ነው ሁለቱ የሚናበቡት? ሲገርም?? ጃዋርና እስክንድር እንደዚሁም (OMN) እና Ethio 360 እየተናበቡ ነው የሚሰሩት ባዮቹ ከንቲባዋም ሆኑ የደህነነት ምክትል ሹሙ በፖለቲካ ቁማሩ እንዲሰማሩ የተመለመሉ ተራ የቁማሩ ተዋናዮች እንጅ ይህንንና ሌሎች አያሌ የፖለቲካ ቁማሮችን የመጫዋቻ ህግ፡ ቦታ፡ጊዜና ሁኔታ ወስነው ጨዋታውን በበላይነት እየተቆጣጠሩ የሚመሩት ዶ/ር አብይ አህመድ ለመሆናቸው አያሌ ማሳያዎችን ማቅረብ ይቻላል፡፡
    ህዝብን ይህንን አታድርግ፡ ይህንን አትስማ፡ ይህንን አትከተል ብለህ ልታቆመው የምትችልበት የሞኞች ጊዜ አልፏል፡፡ ስለዚህ ሞኞቹ መሪዎቻችን ሆይ ፦ወደ ህሊናችሁ ተመለሱና የአገሪቱንና የህዝቦቹዋን ታላቅነት ሚዛን ላይ አስቀምጣችሁና መሬት ላይ ያለውን ነባራዊ እውነታ መሰረት አድርጋችሁ አሁን ለአገራችን የሚያዛልቀውን ለማድረግ በሀቅ ለሀቅ ቁሙ፡፡ በዘር ላይ ይተመሰረተውን የደደቢት ህገ መንግስትንና ራሱን የዘረኝነት አሰራርን በህግ ማገድ ቀዳሚ እርምጃዎች ሊሆኑ ይገባል፡፡ አሁን ላይ እንደ አገር ከመፍረስ የሚያድነን አንድ ብቸኛ ፈውስም አለ፡፡ ይህም ሟቹ ወያኔ በኦነግ ውስጥ የዘራው መርዝ ወደ ነቀርሳነት ከመቀየሩ በፊት ከስሩ መንቀል ነው፡፤ ይህ ሳይሆን ቀርቶ አገሪቱ ከፈረሰች ተጠያቂዎቹ እናንተው ናችሁ፡፤ በውጤቱም የምትመኙት የኦሮሙማ የበላይነት ቅዠት ሳይሳካ እንደፈረሰው የወያኔ የበላይነት ቅዠት መጨረሻው ከንቱ ሆኖ ይቀራል፡፡ በዚህም ማንም አይጠቀምም፡፡ ለሚመጣውም ከወያኔ የባሰ የከፋ አወዳደቅ እናንተው ተጠያቂ ስለምትሆኑ በወቅት አስቡበት፡፡ ቶሎም ተስተካከሉ፤፡ እግዜርም በጎውን ያሳያችሁ፡፡

    ዶ/ር አብይ ሆይ፦ ፖለቲከኛ ነዎት፡፡ የታሪክ አጋጣሚም በሚገርም ግጥጥሞሽ ተመቻችቶልወት ነበረ፡፡እርሰዎ የሚሰሩት ስራ ያለዘረኝነት ለሁሉም በእኩልነትና በሀቅ ቢሆን ኖሮ እንደ አርሰዎ የታደለ አይኖርም ነበረ፡፡ግን ምን ያደርጋል የአህያ ስጋ አልጋ ሲሉት መሬት እንዲሉ ሆኖ ቀረ እንጅ፡፡

  7. – – – የመቀሌዉ ድምጽ ተሰማ
    የአዲሳባዉ አቢይ አህመድ “ቀይመስመሩ ስለታለፈ በኮማንድ ፖስት እየተመራ ——” ብለው በትግራይ ለ 3- ሳምንታት ያህል የዘለቀዉን ጦርነት መጀመር ይፋ ሲያደርጉ፡ ለእንደኔ አይነቱ “የፈሩት ይደርሳል – – ” የሚለዉ ብሂል እዉን የሆነበት ጊዜ ነበር።
    ጦርነቱ በይፋ ከመታወጁ ሰአታት ቀደም ብሎ ጥዋት ላይ ከዚሁ ከአመሪካ መቀሌ ነዋሪ ለሆኑት እህቴና ባለቤቴ ደዉየ ሳናግራቸዉ፡ እህቴን “የጦርነት ድባብ አለ? ምናልባት ጦርነት ሊከሰት ይችላል – – ” ብያት ነበር። እስዋም ስትመልስልኝ “ምን – – አሁንም መግለጫ ነዉ። ያዉ ሁሌም እንደተለመደዉ – – – ። መግለጫዉን እንደሆነ ለምደነዋል። ማለቂያ የለዉም – – ” ነበር ያለችኝ።
    ባለቤቴን ደግሞ “መቀሌ ላይ የጦርነት ሁኔታ ያለ ይመስላል?” ስላት “ምን እነዚህ በራሳቸዉ ጊዜ የለመዱትን ጦርነት አሁን ለኛ እያመጡብን ነዉ። ገና ሂወትን እየጀመርናት ላለነዉ እኮ ነዉ እያበላሹብን ያሉት። ህጻኑ ልጃችን ለምን ጦርነት ያያል? ጊዜዉ የኛ እንጂ የነሱ እኮ አይደለም” ብላኛለች።
    በመጨረሻም “ለማንኛዉ ከቤት እንዳትወጡ። ጦርነት ሊኖር ይችላል!” ነበር ያልኳት።
    ለሶስት ሳምንት የሚቀጥል ጦርነት፡ ከአንድ ወር በላይ ትግራይን በመዝጋት ድምጽ አልባ የሚያደርግ ሁኔታ ይፈጠራል ብሎ ማሰብ ግን እንዴት ይቻላል? ማታ ላይ በድንገት የሆነዉ ነገር እሱ ነበር።
    የመቀሌ ቤቴሶቦቼና ወዳጆቼ የማገኝበት የኢሞ አፕሊኬሽን ላይ በእንግሊዝ ቋንቋ የሚንነበበዉ ጽሁፍ “ለመጨረሻ ጊዜ መስመር ላይ የነበሩት ኖቨምበር 3 2020 ላይ ነዉ – – ” እንዳለ ከአንድ ወር በላይ ቆሟል። ልክ የመቃብር ድንጋይ ላይ ያለ ጽሁፍ ይመስላል። በዚሁ ቀን ነበር ጥዋት ላይ ከቤተሰቦቼ ለመጨረሻ የተገናኘነዉ። ከዚሁ ቀን በኋላም በኢሞዉ መደወያ ላይ ያሉት የቤተሶቦቼና ወዳጆቼ ፎቶግራፎችም የህያዉያን አልመስልህ አሉኝ። በየቀኑ እነዚህን ምስሎችንና ጽሁፍን ስመለከት ጸጸት ይለቁብኝ ነበር – – “ጦርነት እያጠላ መሆኑ ገብቶኝ ሳለ ሚስቴንና ልጄን ከመቀሌ ወደ አዲሰባ ለምን ዞር አላደረግኳቸዉም?” የሚል ጸጸት ሲሞሮምረኝ ቆይቷል – – ።
    አመሪካ አገር አብራኝ ካለችዉ እናቴ ጋራ ስንነጋገር “ባለቤቴን ለምን ገንዘቡን በዛ አድርጌ አላኩላትም?” በየ እራሴን በምወቅስበት “በአንድ ምሽት፡ በድንገት እኮ ነዉ ሁሉም ነገር ቀጥ ያለዉ። ቴሎፎ ባይቋረጥ አንድ ነገር ማድረግ ይቻል ነበር” ብላኛለች ካንዴም ሁለቴም፡ ስታጽናናኝ።
    ከዜህ በፊት ባለቤቴን ዳጎስ አድርጌ ገንዘብ ስልክላት “ለምን? ከበቂ በላይ ነዉ – -!” ትለኛለች። እኔም “የሚሆን አይታወቅም። ምን ግዜም ከእጅሽ በቂ ገንዘብ ቢኖርሽ ጥሩ ነዉ” እላት ነበር። ታዲያ፡ ዛሬ ዲሰምበር 13 2020 እንደገለጸችልኝ፡ ጦርነቱ ከመሆኑ ከጥቂ ቀናት በፊት የላኩላትን ገንዘብ ከባንክ ሳታወጣዉ ስለቀረች የባንክና የተሌፎን አገልግሎት በድንገት ቀጥ ሲል ጊዜ ከእጅዋ ምንም ገንዘብ አልነበራትም።
    – በደርጉ ጊዜ በ17 አመታት ዉስጥ በትግራይና ኤርትራ ጦርነት እያየንና እየሰማን አድገናል። ምጽዋ በሻቢያ ተይዛና አስመራ ዙርያዉን ተከባና ተጨንቃ ከአንድ አመት በላይ በቆየችበት ጊዜም ከከተማዉ ነበርኩኝ። ነገር ግን እንዳአሁኑ ወቅት ህዝብ ያለ ቴሌፎን፡ ዉሃ፡ መብራትና የባንክ አገልግሎት ለአንድ ወር ዝግትግት ያለበት ሁኔታ አልነበረም። ትግራይን ያጋጠማት ይህንኑ ነበር። ለዚሁ ሁሉ ተጠያቂ ማን ነዉ? እንዲህ ለማድረግ ባለመብቱስ ማን ነዉ? ቤተሰቦቻችን ከፍተኛ አደጋ ዉስጥ ለመክተት ማን መብት አለዉ? በእዉነቱ የትግራይ ህዝብ ይህን ጉዳይ አጥብቆ መጠየቅ አለበት።
    “ህግ ለማስከበር – – ” ይላል ይየፌደራል መንግስት። “ሳይቀድሙን፡ እራሳችን ለመከላከል – – ” የትግራዩ መንግስት ምክንያት ያቀርባል። ነገር ግን በማሃሉ ፍዳዉን ያየዉ የትግራይ ነዋሪ ምን ይላል?
    “የሰሜን እዝ ተመታ – – ” የሚለዉ የፌደራል መንግስቱ ማብራርያ፡ የጦርነቱን ምክንያት አደገኛ አድርጎታል።
    ለእንደኔ አይነቱ፡ ልክ የደርግ መንግስት ወድቆ ክረምት ሲሆን አዲስባ ከፒያሳ በረንዳ ላይ የገዘኋት መጽሃፍ “አፍሪካና አምባገነን መሪዎችዋ፡ ዘአፍሪካንስ፡ የምትለዋ መጽሃፍ ያሳፈረችዉ – – “አፍሪካ ዉስጥ ሰላም መጣ ብሎ መተማመን አይቻልም። ምን ግዜም ጦርነት ሳይታሰብ ይፈነዳል” የምትለዋ አረፍተነገር ነዉ ጦርነት በተቀሰቀሰ አጋጣሚ ከአምሮየ የምትመጣብኝ። ከኢህአዴግ ንግስና በኋላ ጥቂት አመታት እንደተቆጠሩ የፈነዳዉ የኢትዮ-ኤርትራዉ ጦርነት ይህቺንኑን አረፍተነገር ነበር ያስታወሰኝ። የዶክተር አቢይ የፍቅርና የሰላም መርሆ ከታወጀ በሶስት አመታት ዉስጥ ከትግራይ ክልል መንግስት የተገባዉ ጦርነት አሁንም ያቺኑ አረፍተ-ነገር ነዉ ያመጣብኝ።
    ለጦርነታችን ማናችዉም ማብራርያና ምክንያት ልንሰጠዉ እንችላለን። ዞሮ ዞሮ ግን “አፍሪካ ዉስጥ ሰላም ሰፍኗል ብሎ መተማመን አይቻልም” ነዉ መደምደሚያዉ።
    – መቀሌ ዛሬ እሁድ ዲሰምበር 13 2020 ድምጽዋ እንደተሰማ ከአንድ ወር በኋላ ያገኘኋት ባለቤቴ “ዋናዉ ጭንቀቱ ነበር የገደለን። በተለይ መጨረሻ ላይ አስቸጋሪ ሆኖብናል። ምን ሊፈጠር እንደሚችል መገመቱ አዳግቶን ነበር” አለችኝ።
    “ገንዘብስ። ተቸገርሽ ነበር አይደል?” ስላት “እንደ አጋጣሚ በማንዋል ሰርተዉ አባቴን ደሞዝ ሰጥተዉት ነበር። እህልም አስፈጭተን ይዘን ቆይተናል። ዉሃ ነበር ከፍተኛዉ ችግራችን።”
    “ወደ ገጠር ትሸሻለች ብየ ፈርቼ ነበር” ስላት፡
    “ስዎች እንሂድ ብለዉን አበር። እኔ ግን ልጄን የት አስተኛዋሎህ? ይታመምብኛል ብማለት አብምቢ ብያሎህ። ለራሴ አልተጨነቅኩኝም። እዚሁ ከተማ ዉስጥ የሚሆነዉን እንቀበላለን ነዉ ያልኩዋቸዉ” አለችኝ።
    “ልጄ ጦርነቱ አላስጨነቀዉም?” ስላትም
    “ሚጎቹ በአከባቢ ስለደበደቡ ድምጹ አሸብሮታል። ከዚህ ቀደም በእጁ እያመለከተ አየር – – ብሎ ይደሰት ነበር። አሁን ግን አዉሮፕላን ሲያይ አየወድም” ብላኛለች።
    እህቴንም ብቴሎፎ ሳወራት “ከፍተኛ ጭንቀት ነበር። በተለይ ‘ቲፒ ኤል ኤፍ’ ከከተማዉን ለቀዉ ሊወጡ ሲሉ ፍንዳታዎች ነበሩ” ብላኛለች።
    ስለሶት አመቱ ልጄ ስጠይቃትም “ፍንዳታዎች ሲሰሙ አሁንስ ወዴት ነዉ የምንሄደዉ? ብሎ ጠይቋል አለችኝ። ስለሚጎቹ ስትነገረኝም “አየር እንዳትመታሽ ብቻሽን አትሁኚ። ወደኛ ቤት ነይ” ብሎኛል አለችኝ።

    – ይሄዉ ነዉ – – ። ጦርነቱና ብጥብጡ ወደ ሶስተኛዉ ትዉልድ ዘልቋል። አዲስ የተወለዱ ልጆቻችንን ልክ እንዳባቶቻችን፡ ጦርነት፡ አለመረጋጋትና የኢኮኖሚ ቀዉስ እያወረስናቸዉ ነዉ። እኛዉ እራሳችን ችግሩን ስለምንፈጥረዉ መፍትሄዉ የለንም። በዚሁ ምክንያትም መከራችን ከፍ ያለ ይሆናል።

  8. የእጅ አዙሩ አማራን የማጥፋት የኦሮሙማ ፕሮጀክት በቤንሻንጉል

    ወያኔ ቤንሻንጉል ብሎ በፈጠረው ክልል ውስጥ አሁን ላይ በተባባሰ ሁኔታ እየተካሄደ ያለው የንጹሃን አማራወች፡ ጉምዞች፡ አገዎች ወዘተ ጭፍጨፋወች በአማራና በቤንሻንጉል ክልል መካከል እንደተፈጠረ ውጥረት አድርጎ መውሰድ ፍጹም የተሳሳተ ነው፡፡ የቤንሻጉሉም ሆነ የወለጋና የሌሎች ቦታወች የአማራዎች ጭፍጨፋ ምስጢር አንድና አንድ ብቻ ነው፡፤ ይህም ወያኔ ጀምሮትና ብዙ ግፎችን ሰርቶበት ያልተሳካለትን አማራን የማዳከምና የማጥፋት ዘመቻ ቅጥያ ነው፡፡ የአሁኑ ተረኛ ኦሮሙማም በማፍዘዝም ይበሉት በማደንዘዝ ወይንም አረመኔያዊ ድርጊታቸውን በፈለጉት በሌላ ስም ይጥሩት አላማው አማራን አዳክሞና አጥፍቶ ኦሮሞን በአማራ ላይ የበላይ፡እንደዚሁም አማርኛን አዳክሞ ኦሮሞኛን በአማርኛ ላይ የበላይ አድርጎ ኢትዮጵያን እንደ አዲስ በኦሮሞ ቅርጽ፡ ወርድና ስፋት የማበጀትና የመስራት ስራ ነው፡፡ የማይሆን የኬኛዎች የቀንም የማታም ቅዠታቸው ነው፡፡ ይህ ሴራ ሁሉም ኦሮሙማወች ተማምለው የጀመሩት ያልተቀደሰ ብቻ ሳይሆን ሊሳካ የማይችል መጨረሻው የአገር መውደቅን የሚያስከትል ሴራ ነው፡፤ በመጨረሻም ራሳቸው ኦሮሙማወች እርስ በርስ ተበላልተው ድራማው በውድቀት እንደሚጠናቀቅ ፈጣሪ እድሜ ይስጠን እንጅ በእርግጠኝነት ሲፈጸም እናየዋለን፡፡

    ለዚሁ የኦሮሙማ ፖለቲካ ቁማር መሪውና ኮማንደሩ ዶ/ር አብይ አህመድ እንጂ ሽመልስ አብዲሳ/ ጃዋር/ መራራ/ ዳዉድ ኢብሳ/አዲሱ ቂጤሳ ውይንም ሁለቱ ሌንጮዎች ……ወዘተ አይምሰሏችሁ፡፡ እነሱ ታዛዦች ናቸው፡፡እንዳትሳሳቱ፡፡ብዥታም አይኑርባችሁ፡፡ በጀግኖቹ የአማራ ልዩ ሀይል (ነፍጠኞች) በየአውደ ውጊያዎቹ ቆራጥና አኩሪ ፍልሚያ የተሽመደመደው የወያኔ ጦር ከግስጋሴው በወሳኝነት ከተገታ በኋላ ፈጥኖና መልሶ በተደራጀው የሀገር መከላከያ ሰራዊት ላያንሰራራ ድባቅ ተመትቷል፡፡ይህ ሁሉ በመገባደድ ላይ እያለ አሁን ላይ የሚቀር አንድ ታላቅ አገራዊ ጉዳይ በእንጥልጥል ላይ አለ፡፡ይህም የአገሪቱ ፖለቲካ ከእንግዲህ ወዴት የሚለው ነው፡፡ለዚሁ አብይ ጉዳይ ጠ/ሚ/ሩ የቀሩት ሁለት ተጻራሪ አማራጮች ብቻ ናቸው፡፡ሌሎች ማጭበርበሪያ ካርዶች ከወያኔ ጋር ተቀብረዋል፡፡

    አማራጭ አንድ፦ ለአገሪቱ ይህንን ሁሉ ውድቀት ያመጣባት መሰረታዊ ችግር በዘር ላይ የተመሰረተው የደደቢት ህገ መንግስት መሆኑን በማመን ይህንን ህገመንግስት ዛሬዉኑ ማገድና በምትኩም በዘር ላይ ያልተማከለ ፌደራላዊ ህገመንግስትን በቶሎ ተግባራዊ ማድረግ፡፡ ከዚያም የወያኔ ታናሽ ወንድም የሆነውን ኦነግን በኦነግ ሸኔ ስም ለመቀባባት ከመሞከር ይልቅ ህወሀትንና ራሱን ኦነግን በአሸባሪ ድርጅትነት መዝግቦ ከፖለቲካ እንቅስቃሴ ማገድ፡፡የተረኛውን የኦሮሙማ አስተሳሰብንና አደረጃጀትንም ሆነ ሌሎች በአገሪቱ ውስጥ በዘር ላይ የተመረኮዘ አስተሳስብ/አደረጃጀት የሚያራምዱትን በሙሉ ድርጊቱን በወንጀል ተግባር ፈርጆ በህግ እንዲታገዱ ማድረግ፡፡

    አማራጭ ሁለት፦አሁን ያለዉን በዘር ላይ የተዋቀረ ህገ መንግስትን ማስቀጠልና በተረኝነትም የመሪነት ቦታ ላይ ያለው የኦሮሙማ ፖለቲካ አገሪቱን ወደ ማትወጣው አዘቅት ይዟት እንዲወድቅ መፍቀድ፡፡ አማራጭ አንድ የሚበጅ፡ የሚፈለግ፡ ለአገሪቱ በሽታዎች ሁሉ ፈውስን የያዘ ብቸኛ አማራጭ ነው፡፡ በአማራጭ ሁለት ከተሄደ ግን አሁን በመፍረስ ጠርዝ ላይ የምትገኘው አገራችን እንደአገር መቀጠል ስለማትችል ትፈራርሳለች፡፤ የእርስ በእርስ ጦርነቱም የሰው ልጅ በታሪክ አይቶት ያማያውቅ ዘግናኝ ይሆናል፡፡ በውጤቱም ማንም አይጠቀምም ብቻ ሳይሆን ማንም በሰላም ሊኖር አይችልም፡፡

    ከሁለቱ ውጭ ሌላ አማራጭ በመሀል የለም፡፡ ህዝቡ የሚሻለውን ያውቃል፡፤ የመሪነቱን ቦታ የያዙት ዶ/ር አብይም የሚጥማቸውን እራሳቸው ያውቃሉ፡፡

  9. አልወሃ ምላሽ

    “ከትግራይ የተወሰዱ ግዛቶች ናቸዉ – – – ” እየተባለ ሲነገር ነበር የምንሰማዉ። የተወሰኑት ወደ የበጌምድር፡ የተወሰኑት ደግሞ ወደ ወሎ ጠቅላይ ግዛት – – ። ግን ለምን? ለዚህ መልሱ ትግራይን ወይም የትግራይ ገዢዎችን ለመቅጣት የሚል ነዉ መልሱ።
    ወደ ኋላ ተመልሰህ የሆነዉን በደንብ ማወቅ የሚያስፈልግ ቢሆንም – – ራያ፡ ወልቃይት – – የተባሉት ግን በርስትነት ካልታዩ በስተቀር፡ የማን ናቸዉ? ተብሎ ወደ ጭቅጭቅና ግጭት የሚያስገቡ መሆን የለባቸዉም። ዞሮ ዞሮ በነዚህ ቦታዎች ህዝብ ነዉ የሚኖረዉና።
    አንድ ቀን ወደ አዲስ አበባ ስሄድ “እስከዚህ ነበር የትግራይ ግዛት – – – ” አበረዉኝ አዉቶባስ ዉስጥ የነበሩ ሽማግሌ በእጃቸዉ እያመለከቱ አሳዩኝ። ቦታዉ አልዉሃ – – አልዉሃየ – – የሚባለዉ ነበር።
    የትግራይ ክልል ከተመሰረተ በኋላ በየቦታዉ ለስራ ስዘዋወር ነበር። ከዳንሻ ጀመሮ እስከ ሁመራ። ከባድመ ጀምሮ እስከ ጨርጨር፡ ባላ፡ አላማጣ። ማይጸምሪ፡ እምባማድረ፡ እስከ ሽሬ። ዓዲ ረመጽ – – እንዲህ እንዲህ ብሎ በትግራይ ክልል ዉስጥ በስራ ያልተንቀሳቀስኩበትና ያላየሁት ቦታ ብዙም አይደለም።
    ከማይጸምሪ ቀጥሎ ያለዉ ዓዲ አርቃይ ወደ ክልል አማራ ገብቷ። ከዋጃ ወድያ ያለዉም እንዲሁ። ይህ አከላለል ግን ከግምት ያስገባዉ ምንድ ነበር? ብየ ሁሌም እራሴን እጠይቃሎህ።
    አላማጣ ከተማ ለስራ ተጉዘን የከተማዉ “ኮረፌ” ለመቅመስ ከገበያ አከባቢ ተቀምጠን ሳለ ተራራዎቹን ወርደዉ ለገበያ የመጡ ከአጠገባችን ቁጭ ብለዉ ኮረፌ የሚጠጡ የራያ ባላገሮች የሚናገሩትን አዳምጥ ነበር። ቋንቋዉ ትግርኛ ነዉ። ያስገረመኝ እሱ ነበር። ሆኖም አላማጣ ከተማ አማርኛ ይሰማል። ከገጥር ያለዉ ህዝብ ግን ትግርኛ ተናጋሪ ነዉ።
    እርግጥ ነዉ ከመሆኒ ወድያ፡ አንዳንድ ቦታዎች ላይ ኦሮምኛ ተናገሪ ይገኛሉ። እነዚህም በትግራይና የኦሮሞ ጎሳ ተስፋፊዎች በተደረገዉ ዉግያ ወደ ትግራይ ዘልቀዉ እንዳይገቡ የተገደቡ ህዝቦች ቅሪት ናቸዉ። አላማጣ ከተማ ዉስጥ፡ ከአገዉ ምድር – – ከሰቆጣ አከባቢ የመጡ ሰዎች ታገኛለህ። የአለማጣ ነዋሪዎች የተለያዩ አከባቢዎች ስብስቦች ናቸዉ። አንዳንዶቹም የአማርኛና ትግርኛ ቃላቶች አዳቅለዉ ይናገራሉ። አብዛኛዉ ለማለት “አብዘሓኝኡ” ይላሉ። አላማጣና ኮረም ከተሞች አማርኛ ቢሰማ ተንቀሳቅሰዉ በሰፈሩ ሰዎች ምክንያት እንጂ ሌላ አይሆንም። ከኮረም ወደ አላማጣ ማዉጫ ላይ “ሜዳ ሓያሎ – – – ” የሚሉ የትግርኛ ስሞች ታገኛለህ። ወደ ጎንደር ወገን ደግሞ እንደነ ዓዲ አርቃይ የተሰኙት አሉ። እናም ይህ ነገር ህዝቡ ማን ነበር? የሚለዉ እንድትጠይቅ ያስገድዳል።
    በጣልያን ወረራ የተነሱ ቪዲዮዎች እስከ ደባርቅ አከባቢ የነበረዉ ህዝብ በትግርኛ ሲዘፍንና እስክስታዉን ሲያወርደዉ ይሳያሉ። ይህም ያ- ህዝብ የወለዳቸዉ በግዜ ሂደት አማርኛ ተናገሪ ሆነዉ ቀርተዋል ወይ? እንድትል ያደርጋል። እንግድያዉ የትግራይ ህዝብ አሰፋፈርና ይዞታ ወደ ኋላ ተሂዶ መመርመርና መወቅ ያስፈልጋል፡ እነዚህ ቦታዎች የማን ናቸዉ ብሎ ክርክርና ጭቅጭቅ ዉስጥ የሚገባ ከሆነ።
    በ27 አመት የኢህአዴግ አገዛዝ ወደ ዳንሻ፡ ሑመራ፡ ማይካድራ፡ ሽሬ እስከ መቀሌ – – – ከጎንደርና ሩቅ የኢትዮጵያ አከባቢዎች የመጡ ሰዎች በብዛት መጥተዋል። በተጨማሪም መቀሌና ሌሎች የትግራይ ከተሞች ዉስጥ ሳይቀር የወጣቱ ቋንቋ አማርኛ ሆኖ ነበር። መቀሌ ከታክሲ ዉስጥ በሞባይል ቴሌፎን ሲናገሩ የምሰማቸዉ ወጣቶች ድንገት ትግርኛ ሲደባልቁ ነዉ የትግራይ ተወላጆች መሆናቸዉ የምገነዘበዉ። አማርኛዉን ተክነዉበታል። አዲስባ የሚኖረዉ ጓደኛየ ስለዚሁ ስናወራ “ወደ አፋርና ሶማልያ አከባቢዎች ሁሉ ተንቀሳቅሻሎህ። ወጣቱ በአማርኛ ነዉ የሚያወራዉ” ሲለኝ “እንግድያዉ የአማርኛ ድራማዎችና ሙዚቃዎች ተጽእኖ ውጤት ይሆናል – – ” ብለን ደምድመናል።
    የቋንቋ ክልሎች ቢፈጠሩም ህዝብ ከሌላዉ ከቋንቋ ጋራ ምንም ችግር የለዉም። አከላለሉ ዘረኝነት አላስፋፋም። ፖለቲካ ሲጨመርበት ነዉ ችግር የሚሆነዉ። ዋናዉ ነገር፡ የሚካለሉ ቦታዎች ለአንድ ክልል ህዝብ ታሪክ፡ ቋንቋና ባህል – – መብትና ፍላጎት፡ እንዲሁም የኢኮኖሚ ብልጽግና ወሳኝነት እንዲኖራቸዉ ይገባል። በርስትነት ከታየ ግን እነዚህ እሴቶች ዋጋቸዉ ይጠፋል። ዉጤቱም ግጭትና አለመረጋገት ሆኖ ይቀጥላል።

  10. አላማጣ ነዋሪዎች ማን ናቸዉ?

    የአላማጣ ነዋሪዎች ከትግራይ፡ አማራ ክልል ወይም እራሳቸዉን ችለዉ ዞን እንዲሆኑ ያላቸዉን ሃሳብ ለማወቅ የብልጽግና ሰዎች አነጋገሩዋቸዉ የሚል ወሬ በዜና እየሰማን ነዉ።
    የአላማጣ ነዋሪዎች ከአገዉ ምድር፡ ከወሎ አከባቢና ከተለያዩ የተቀሩት የትግራይ አከባቢ መጥተዉ የሰፈሩባት ከተማ ናት። እናም እነዚህን ነዋሪዎች ነዉ ሃሳባቸዉን እንዲሰጡ እየተጠየቁ ያለዉ? ወያስ ሌላ ነዉ እየሆነ ያለዉ?
    ነገር ግን ዙርያዉን እስከ መሆኒ ያለዉ ህዝብ፡ አላማጣ ከተማቸዉ አይደለችም እንዴ? መጠየቅ ካለበት እንድያዉም ዋና ከተማችን – – የሚላት እስከ ኮረም ያላዉ፡ እስከ መሆኒና ማይጨዉ ያለዉ፡ እስከ ባላና ጨርጨር ያለዉ፡ እስከ ዋጃና ቆቦ ያለዉና በተለይ ዙርያዉን በገጠር ለረጅም አመታት የኖረዉ የራያ ህዝብ ነዉ።
    አለማጣ ዉስጥ የከተመዉን፡ አብዛኛዉ መጤ የሆነዉን ለይቶ ሃሳብ መጠይቅ ግን ትርጉሙ ምንድን ነዉ?

  11. ተወዳጅዋ የአባይ ሜድያዋ ሮዛ መሀመድ የሰራችው ስህተት

    ህዳር 26 ቀን 2013 ዓ.ም ( January 4, 2021) አባይ ሜድያ እንግዳችን – “በትግራይ የሰብዓዊ መብት ጥሰት እየተፈጸመ ነው” – በሚል ርእስ ክብሮም በርሀ ከተባለና ወያኔ ጠፍጥፎ ከሰራው ባይቶና ከሚባል የወያኔ ተለጣፊ ድርጅት የመጣ ግለሰብ ጋር ያደረገችውን ውይይት በአንክሮ ተመልክቸዋለሁ፡፡

    https://www.youtube.com/watch?v=i-sZn8_ozus&t=1616s

    በአጠቃላይ ውይይቱ በባይቶና በኩል በቂ የወንጀለኝነት ሽፋንን በሰፊ የፕሮፓጋንዳ ስራ ለመሸፈን ዝግጅት ተደርጎበትና መድረኩንም እንደጦር ሜዳ ቅስቀሳ ለመጠቀም ታስቦ የተለመደ የወያኔን ጀብደኝነት በይፋ ለማሰራጨት የቀረበ ሲሆን ከጋዜጠኛዋ መአዛ ሞሃመድ በኩል ግን በቂ ዝግጅት ሳይደረግበት እንደመደበኛ ውይይት ታስቦ የቀረበ ነበር፡፡በአጭሩ ውይይቱ መካሄድ የማይገባው የነበረ ሲሆን ከተጀመረ በኋላም ቢሆን ግለሰቡ በንግግሩ ከሚረጫቸው መርዞች በመነሳት ተልእኮው ከመደበኛ ውይይት ውጭ መሆኑ ታምኖበት በአዘጋጇ ወዲያዉኑ መቋረጥ ነበረበት ፡፡

    ሮዛ ፦ የሰራሽው ስህተት ነው፡፤ ለምን የደብረጽዮንን ረዳት ወይንም የጌታቸው ረዳን ምክትል ለመሆን የሚንጠራራን ሰው አምጥተሽ ታስጨፍሪብናለሽ? ይህ ሰው ለህግ መቅረብ እንጅ ለነጻ ውይይት በእናንተ ሜዲያ ላይ መቅረብ ፈጽሞ አልነበረበትም፡፡ መቅረብ ከፈለገም መቅረብ የነበረበት በእነ አሉላ ሰሎሞን የወያኔ ሜዲያ እንጅ የህዝብ በሆነው የአባይ ሜዲያ ላይ በፍጹም መሆን አልነበረበትም፡፡ምክንያቱም ሰውየው እንደ ሰፊው ምህዳር በመሳሰሉ መድረኮች ላይ ሰፍ እያለ በመቅረብ በጸረ ኢትዮጵያ አቋሙ ከበፊት ጀምሮ ይታወቃልና፡፡ወያኔዎች ከኢትዮጵያ ህዝብ ከዘረፉት በትሪሊዮን የሚቆጠር ገንዘብ ውስጥ እናንተንም ከፈሏችሁ እንዴ ለማለት አንደፍርም፡፡ አባይ ሜዲያን ጠንቅቀን እናውቀዋለንና፡፡ ስህተት ግን ተሰርቷል፡፡ የተጠቀመበትን የተረሳና ያረጀ ወያኔያዊ የቅስቀሳ ስትራቴጅ ስናየው ግን አዝነናል፡፡ሰውየው የሚያስበው እንደከብት ነው፡፤ ወያኔ ደደቢት ዋሻ ውስጥ ያሰረው ፍየልን ይመስል የማያውቀው ጉዳይ ውስጥ ሁሉ እየገባ ይጮሀል፡፡ ከጩሀቱ አልፎ ተርፎም አሉላ ሰሎሞን ዋሽንግተን ዲሲ ቁጭ ብሎ እንዳናፋው ሁሉ ሰውየሽም አንቺው ጎን ቁጭ ብሎ ኢትዮጵያዊ አይደለሁም ብሎሻል፡፡ ወደፊት ይለይልናል ብሎ ዝቷልም፡፡ በአገሪቱ ብሄራዊ ጦር ላይ ወያኔ “መብረቃዊ ጥቃት” ብሎ ስለሚመጻደቅበትና በጨለማ፡ ያልታጠቁ አስር ሽህ ወታደሮች ስለመታረድ ጉዳይ ስትጠይቂው እርሱ የሚያሳስበኝ ነገር አይደለም ብሎሻል፡፡በወያኔ ቆስቋሽነት በትግራይ ውስጥ በአሁኑ ሰአት ጦርነተ እየተካሄደ መሆኑን በመዘንጋቱና ማንኛውም አይነት ጦርነት አያሌ አፍራሽ ክስተቶችን እንደሚያስከትሉ ባለማገናዘቡ እርሱን የሚያሳስበው “ስለትግራይ ገበሬዎች ሰብል አለመሰብሰብ ችግር፡ የሚበሉት ስላጡ የትግራይ ህጻናት ችግር ፡በጦርነቱ ስለተገደሉ የትግራይ ሰዎች ችግር በጦርነቱ ምክንያት ስለተፈጠረው መፈናቀል” ወዘተ ነው ሲል በግልጽ ያለሐፍረት መልሶልሻል፡፡ ላቀረብሽለት መሰረታዊ ጥያቄሽ ዙሪያ ያወራልሽ የራሱን የተዘጋጀበትን የቅስቀሳ አጀንዳ እንጅ ጥያቄሽን አልመለሰልሽም፡፤ አንቺም ጥያቄየን አልመለስክልኝምና “ጥያቄወቼን መልስ ስጥባቸው” ብለሽ ደግመሽ አልጠየቅሽውም፤፡ በማይካድራም ከሽህ ባላይ አማራወች በመታወቂያቸው ተመርጠው በወያኔ ስለመታረዳቸው ስትጠይቂው በድጋሜ “እኔ የሚያሳስበኝ ስለ አንድ ማይካድራ ሳይሆን ስለትግራይ ነው” ብሎ ነው የመለሰልሽ፡፡ እንደገና ቪድዮሽን ሄደሽ ተመልከችው፡፡ ስለዚህ እኔ አንቺን ብሆን ኖሮ ቢሮዬ ጠርቸ የማነጋግረው ሰው ይህንን ያህል እብሪት፡ ቅጥፈትና ዛቻ የተሞላበት ነገር ሲናገረኝ ከቢሮየ አስወጥቼ በማባረር ፖሊስ ለህግ እንዲያቀርበው በሙሉ በቪዲዮው ላይ የዘላበደውን ለፖሊስ አስረክብ ነበር፡፡ አንቺ ግን አስችሎሽ ብቻ ሳይሆን በሚገባ ሳትዘጋጅ በውይይቱ ቀጥለሽበትና ስድብና ዛቻ ጠጣሽ፡፡(የሚሰማሽ ከሆነ ነው)፡፡

    ወያኔ 27 አመት ሙሉ የፈጃቸውን የሰዎች ብዛትና ሌሎች ስፍር ቁጥር የሌላቸው ከባባድ ወንጀሎችን ለአሁኑ ብቻ ወደ ጎን እንተወው እንበል፡፡ ትናንትና በ10ሽዎች የሚቆጠሩ የአገሪቱ ወታደሮች በወያኔው ጁንታ በአሰቃቂነቱ ወደር በማይገኝለት ጭካኔ ሲታረዱ ምንም ያላለው የባይቶና ታጋይ ታራጆቹ ኢትዮጵያዊያን እንዳልሆኑ ሁሉ ቅንጣት የመቆርቆር ስሜት ለይስሙላ እንኳን አላሳየም፡፡ በማይካድራ በመታወቂያ እየተለዩ አማራወች ሲታረዱ ስለአራጆቹ ወንጀለኝነት አንዲት ቃል አልተነፈሰም፡፡ መአዛ፦ ሰውየሽኮ የወያኔ መሪዎች አንቱ የተባሉ ታላላቅ ሰወች ያሉበት ድርጅት መሆኑን አሁንም በኩራት እየነገረሽ ነው፡፡ የዛሬ አመት (Jan.23,2020) በአውሎ የወያኔ ሜዲያ ላይ ቀርቦ ስለስርአቱ የተናገረው ከህወሀት ጋር የጠበቀ ቁርኝቱን በገሀድ ያሳያል፡፤ “ ህወሀት የተላጠ የኤለክትሪክ ገመድ ነው፡፡ በእሱ ትግራይን እናጥርበታለን” ብሎ ነው የተናገረው፡፤ በሌላ በኩል ደግሞ ይሄው ሰውየሽ የሚለውኮ ንብረት ብቻ ሳይሆን የትግራይ መሬትም ተወስዷል ብሎ ነው የሚጮህብሽ፡፤ ያው ጀግኖቹ አማራዎች በደማቸው ያስመለሱትን ወልቃይት፡ ጠለምት፡ ጠገዴና ራያ መሆኑን ይመስላል፡፡እነዚህን የአማራ የደም መሬቶች ለማስመለስ ለምን ራሱ ሄዶ አይዋጋም?? ባዲሜንማ ታላላቅ ወንድሞቹ መለስ ዜናዊና ስዩም መስፍን አለም እያዬ ፍርድ ቤት ቀርበው ፈርመው አስረክበዋታል፡፡ መአዛዬ ፦ ሰውየሽ ከጎንሽ ቁጭ ብሎ እትዮጵያዊ አይደለሁም ሲል ውይይቱን ወዲያዉኑ ማቋረጥ ሲገባሽ ከሚገባው በላይ ልቅ አድርገሽ ካለልክ እንዲያጓራ አደረግሽው፡፡ ያውም እርሱ ራሱ ሊናገረው በሚጠላው አማርኛ ቋንቋ የሞተውን ወያኔ ነፍስ ሊዘራበት የቻለውን ያህል ቅስቀሳም ሊሰራ ሞክሯል፡፡

    የሚያደምጡት ቢኖሩም የሚያምኑት ግን ያው የወያኔ ምናምኖች እንጅ ኢትዮጵያዊ የሆንን ሁሉ ከወያኔና ከርዝራዦቹ እንድወራረድልን የምንፈልገውና የምንጠብቀው ገና ሀ ብሎ ጀመረ፡፡ የሚወራረድ ገና ብዙ ሂሳብ አለ፡፤ በጣም ብዙ፡፡ በመጨረሻም አንቺ ምናልባትም ይህንን ባለማወቅ እንደሰራሽው “እኛ” ብናምንም ከቅሬታችን ጋር በርቺ ልንልሽ እንወዳለን !!

  12. የውጭም የውስጥም የኢትዮጵያ ጠላቶች ሆይ፦እባካችሁ እነዚህን ሁለት ሀቆች አጢኑ !!!
    ሀቅ ቁጥር አንድ፦
    በትግራይ ውስጥ ያለው ወቅታዊ ሁኔታ ቢያሳዝንም ይህ የሆነው ግን ከሁሉም በፊት ወያኔ በፈጸመው ታሪካዊ ስህተትና አረመኔያዊ ጭካኔ ነው፡፤ በተለይ የኢትዮጵያ መደበኛ ሰራዊት በዘር ተለይቶ መታረዱ ያንገሸገሸው ከኦነግና ወያኔ ደጋፊዎች ውጭ ያለው መላው የኢትዮጵያ ህዝብ የመንግስትን አቁዋም ይደግፋል፡፤ እንዳውም መንግስት በቶሎ ወሳኝ እርምጃ ባለመውሰዱ ህዝቡ ቅሬታ አለው፡፡ ወያኔ የሰራው ህልቆ መሳፍርት የሌለው ወንጀል ገና ብዙ ማወራረዶችን ይጠብቃል፡፡ ይህ እውነታ እንዳለ ሆኖ በመሬት ላይ ካለው ሀቅ ውጭ ያለው የወያኔ ጥቅመኞች አለም አቀፍ ጸረ ኢትዮጵያ ቅስቀሳና ጫጫታችሁ የሚቀይረው ቤዛ ቤስቲን የለም፡፡ የተቋረጠባችሁም የዘረፋ ገንዘብ አይመለስም፡፡ በሩ ተዘግቷል፡፡ ወላ ሀንቲ!!! እስከመጨረሻው ርቀት ድረስ ተሂዶ ወያኔ ገና ይጠራረጋል፡፡የወያኔ ርዝራዦች ሆይ፦ ይልቁንስ አሁን ያላችሁበትን ሁኔታ ሊገልጽ የሚችለውን የመርዝ ብልቃጡን የመለስን <> ዘፈን በሙዚቃ አጅባችሁ አዳምጡት፡፡ DJ አሉላ ቢሆን ይመረጣል፡፡ አድማጮችም ከስብሀት ጀምሮ ወደታች በደረጃ !!!
    ሀቅ ቁጥር ሁለት፦
    ከሞተው ወያኔ ውርጃ ጋር ተያይዞ የጨነገፈው ኦሮሙማ በዘረፋ በዘረኝነትና በዘግናኝ የጭፍጨፋ ስራዎቹ ከወያኔ የባሰ ነው፡፤ በታሪክም ተወዳዳሪ የማይገኝለት ጸረ ኢትዮጵያ ስብስብ ነው፡፡ በህዝቦች ጭፍጨፋና በአገር መዋረድ ላይ ያስከተለው ጠባሳ ምንጊዜም አይሽርም፡፡ መፍትሄውም በቶሎ ተደራጅቶ ስብስቡን ማስወገድና እንደውራጁ ወያኔ አርቆ መቅበር ብቻ ነው፡፡

  13. ይድረስ “ያሻግሩናል” ላላችሁና ከመናቆር ላልወጣችሁ
    ኢትዮጵያውያንና ትውልደ ኢትዮጵያውያን!!!
    ጌድዮን በቀለ
    አርሊንግተን ቨርጂንያ ፌብሯሪ 2/2021
    “ሰባተኛው ንጉስ” አብይ አህመድ ትንቢቱ ሳይፈጸም፤ ገና ዙፋናቸው ሳይረጋ ፤ማንም “በጉልበት” ሳይነካቸውና ሳይነቀንቃቸው ፤ በዚህ ፍጥነት ፤በገዛ ራሳቸው አልጋቸውን ነቅንቀው ሊገለብጡት ቆርጠው መነሳታቸውን ያሳዩናል የሚል ግምት አልነበረኝም። በዚህ ፍጥነትም ከኔ ወዲያ ላሳር በሚል ማን አህሎኝነት ትዕቢት ተወጥረው “ተገዳዳሪዬ፤ ተፎካካሪዬ” እያሉ ሲያንቆለጳጵሷቸው የነበሩ ተገዳዳሪዎቻቸውን ዝቅ አርጎ በማየት አባዜ ይወጠራሉም ብዬ አልገመትኩም ነበር። ባደባባይ ሲያሰሙን ከነበረው ጆሮአችንን እንዲጥመው አድርገው ካወረዱልን ቃላት አንጻር “ያሉትን ይኖሩታል” ብዬ ብቀበልና ብጠብቅ አይፈረድብኝም፤ ምክንያቱም እኔ የማወቃት ኢትዮጵያና ኢትዮጵያዊ ከነተረቱ “የተናገሩት ከሚጠፋ የወለዱት ይጥፋ” ሲል የኖረ ፤ቢያንስ ቢያንስ ባደባባይ ለተናገረው ቃሉ ሲል አንድያ ህይወቱን ከመስጠት የማይመለስ ለቃሉ የታመነ መሆኑን ስለማውቅ።
    ይሁንና ባለተስፋው “ሰባተኛ ንጉሥ” እኛ ከምናውቀው ኢትዮጵያዊ ተክለ-ሰብዕና በተቃራኒው ወርደው ሲገኙና፤ በዚች አጭር የስልጣን ዘመናቸው ከፈጸሙት ይቅርታ የማይገባው “የመርህ-አልባነትና ፤ተአማኒነት” ችግር ባለፈ፤ ለሰሞኑ የኦሮምያ ሰልፍ የሰጡት ቡራኬ ሰውየው ምን ያህል ራስን በማጥፋት በሽታ መለከፋቸውን የሚያሳይ ነው። በኦሮሚያ ብልጽግና ካድሬዎቻቸው አስተባባሪነት የተመራውና ኦሮምያ የተባለውን ክልል ዋና ማእከሉ ያደረገው ሰልፍ ከሰላማዊነቱ ይልቅ ተንኳሽነቱ በማመዘኑ “መጣንባችሁ”፤ “ አትመጧትም” ወይም ደግሞ “የኛም- የኛ” “ የናንተም- የኛ” የሚል ውስጠ-አግላይ መልእክት በማስተላለፍ የተዋጣለት ሆኖ አልፏል። በውጤቱም ከፊት-ለፊታችን ለተደቀነው አስከፊ የእርግጫ ዘመን ፈር ቀዳጅ መሆኑን አመላክቶናል።
    በዚህ የተነሳ “ሞኝ ባያፍር የሞኝ ዘመድ ያፍር “ እንዲሉ “ ይሻግሩናል” በማለት እስከዛሬ የሚያጅቧቸው የኔ ቢጤዎችና “በአብይ መጀን” ልክፍት ጭራቸውን ሲቆሉ የከረሙ፤ “ በመደመር” እንቶ ፈንቶ ቁርባን፤ ከባለተራው ዙፋን ስር ወድቀው የሚንከላወሱ፤ “የአብያችን” ዘማሪዎች በድርጊቱ አንገታቸውን ካልደፉ ስለጤንነታቸው የምንጠይቅበት ጊዜው አሁን ነው።
    ላለፉት 29 አመታት በጠመንጃ አሸንፌአለሁ ባለ ወንበዴ ቡድን መሪነት ዘጠኝ ትናንሽ ቦታ የሰባበራትን አገር፤ የሞት ማተቧን ውል በህገመንግስት ደንግጎ ፤ በሰደፍ ረገጦ ትንፋሽ እስኪያጥረን ሲገዛን ከርሞ፤ የፈጠረቀበት ክንዱ ሲዝል ፤ የመግዛት አቅሙ ሲዳከምና ጨርሶም ከወንበሩ ሲባረር፤ አበሳችን ያለቀለት መስሎን ነበር።
    የተጠበቀው ቀርቶ በስፍራው” የለውጥ ካባ” ያጠለቁት “ብልጽግና “ በሚባል የክርስትና ስም ብቅ ያሉት “ኢህአዴግ ቁጥር ሁለቶች” ወይም የኢትዮ 360ው ኤርምያስ ለገሰ እንደሚጠራቸው “ኢህአዴግ ሲቀነስ ተሃህት ፤ሲደመር አጋር ፓርቲዎች(ሶማሌ፤አፋር፤ጋምቤላ፤ ቤን ሻንጉል)” ወይም “ኦዴፓ-ብልጽግና” ስብስቦች፤ የፈጣሪያቸው ዎያኔን ያህል ፈጥርቀው የሚይዙበት የጋራ ክንድ ቢያጥጣቸው ቋጥሮ ይዟቸው የነበረውን ጠመንጃ አዳክመው በየጎጣቸው ባደነደኑት ክንድ ፤ከእንካ ስላንቴ እስከ ትከሻ መለካካት ተሸጋግረው ፤ለሽህዎች አመታት የኖረችውን ህልው ኢትዮጵያ ልኬታው በውል ወደማይገመት እልፍ ትናንሽነት ለመቀየር ይሆነኝ ብለው የተነሱ፤ በራሳቸው ህልውና ላይ የዘመቱ ራስ-ጠል ቡድኖች ስብስብ እጅ መውደቃችንን በዚህ ሰልፍ አረጋግጠውልናል። “አገር ሲያረጅ ጃርት ያበቅላል ይሏል “ ይሄው ነው።
    ቀድሞውንም ኢትዮጵያን በሰባራ-ሰላላ ድልድይ ላይ አቁሞ “ ያዝኩሽ-ጣልኩሽ” እያለ አንቀጥቅጦ የገዛት ዎያኔ -ኢህአዴግ፤ ራሱ በሰራው የጎጥ ፈንጅ፤ የቆመበት ውሽልሽል ድልድይ ሲደረመስ፤ እንዳይመለስ ሆኖ ከመፍለስና ከመደምሰስ፤ አላመለጠም። ተሃህትን የሰሩት ሰዎቹ ቢገፈተሩም፤ ቡድኑ ዘርቶት የሄደው አምካኝና በፈጠራ ትርክት ላይ የተተከለው ስርአት ተሸካሚዎች እንደ አሜባ ተባዝተው በተረኛነት ስሜት የመጠፋፋቱን ዘመቻ አስፋፍተውና አጠናክረው ቀጥለዋል። በዚህም የተነሳ ተሃህትን ያጠፋውን መርዝ ተግተው ራሳቸውን ጨምሮ ያመነባቸውን ህዝብ ሳይቀር እጅግ ወደላቀው ጥልቅ አዘቅት ይዘውት ለመውረድ እየተንደፋደፉ ይገኛሉ; ፡
    የሰሞኑ ሰልፍ ቅርጽና ይዘት በዋነኛነት ተፈጣሪዎቹ ከሟች ዎያኔ ያስቀሩት የመጥፊያ ቅርሶች አንደኛው እንደሆነ የመጀመሪያ ማረጋገጫችን ነው። ይህንን እጅግ አደገኛና አፍራሽ ሰልፍ ያቀናበሩና የመሩ የኦዴፓ ካድሬዎችና መንግስት ፤ አውቀውም ሆነ ሳያውቁ ከማንም በላይ በራሳቸውና እንመራዋለን ወይም እንወክለዋለን በሚሉት ህዝብ ላይ የጥፋት አዋጅ ማወጃቸውን ከእብሪትና፤ ማናለብኝነት የተረፈ ጆሮና ልቦና ካላቸው ቆም ብለው እንዲመረምሩት የሚከተለውን እላለሁ፤
    ሀ- የያዛችሁት መንግስት የናንተ ነው፤ አገሩ ቢፈርስና፤ ቢናድ፤ እጅግ ቢያንስ የምትፎክሩበት፤ የምታዋርዱትና፤ የምትሳለቁበት ህዝብ አይኖራችሁም
    ለ- ገፍታችሁ ገፍታችሁ አገሩን ካፈርሳችሁት፤ እንኳን የምትሳደቡበት፤ የምትቆሙበት የእግር መርገጫ መሬት አይኖራችሁም፤ ኢትዮጵያ ስትፈርስ እንደምታልሙት ዘጠኝ ወይም አስር ትናንሽ አገር ተፈጥሮ የድርሻችሁን ይዛችሁ የምትፈረጥጡ እንዳይመስላችሁ። እሱ “ሱሚ ነው” ያኔ የምትጓጉላት “ኦሮሚያ’፤ “አማራ”፤ “ዎላኢታ”፤ “ትግሬ” “ሶማሌ” ቤንሻንጉል” ምንትስዮ ብሎ ነገር አይኖርም። አይድረስ እንጅ ከደረሰ “እንደ ይጎዝላቪያ” መሆን ምንኛ የጽድቅ ያክል፤ የመባረክና የሚመኙት የቅንጦት ጥያቄ እንደሚሆን አንድ አፍታ እንኳ ትንፋሽ ወስዳችሁ አስቡት ፤
    ሐ. ከዚህ ወዲያ ተከባብረንና ተቻችለን ለሁላችን የምትስማማ አገር ተመካክረን ማቆም ከተሳነን፤ ከባለጊዜነት አዙሪት ወጥታችሁ፤ የመንግስት ስልጣን ይዛችሁም፤ ባንኩንም፤ታንኩንም፤ ያለገደብ አግበስብሳችሁም፤ እንደተራበ ህጻን በተበዳይነት ስነልቦና እያለቃቀሳችሁና እያስፈራራችሁ “ በኬኛ” ድርቅና ስነልቡና እንገፋበታለን ካላችሁ ፤ ውጤቱ ምን ሊሆን እንደሚችል ገና ግባተ መሬቱ ያልተጠናቀቀውን ፈጣሪያችሁን ወያኔን ለመጠየቅ ቅሊንጦ በጃችሁ ነው ሊባሉ ይገባል(ይሄ አባባል በተረኛነት ስሜት የተለከፉትን ቡድኖች እንጅ የኦሮሞንም ሆነ የሌላውን ማህበረሰብ በፍጹም አይጨምርም)
    በምርጫ ያልተገነባችው ኢትዮጵያ፤ከምርጫ የምታገኘው ርባና ያለው መፍትሄ ስራይ ሊኖራት አይችልም። ምክንያቱም አስቀድሞ ውጤቱን በሚያመላክቱ የዋዜማ መርዶዎች መዳረሻውን እያየነው ስለሆነ ። ምርጫ ቦርድም ሆነ ተፎካካሪ ፓርቲዎች የጨዋታው ህግ እንዳይኮላሽ በቁርጠኝነትና በህግ ካላስቆሙት በስተቀር፤ ውጤቱ እንዘጭ፤ እንቦጭ ከመሆን አያልፍም።
    ያገራችን ዋነኛ በሽታ በጥልቁ ስር እየሰደደ የሄደውና በህግ ሽፋን-በግድ እንዲቀጥል መንግስታዊ ቡራኬ የተሰጠው የባለጊዜ ፖለቲካችን ነውና ፤ በዶ/ር አብይ አፍ የምትሰማዋ ኢትዮጵያ በተግባር እየሰሯት ካለችው ኢትዮጵያ ጋር መጋጨቷን ማስቆም ካልተቻለ፤ ሁሉንም ዜጎቿን ፤በፍቅር፤በአንድነትና በእኩልነት ከማኖር ይልቅ ፤ በተግባር ‘ዘር-ዘር” እየተጫወቱ ያዩትን ሁሉ በመሰልቀጥ አባዜ ተለክፈው ለሚክለፈለፉ አባሎቻቸው አደብ እንዲቀሩ ካላስደረጉ “አትፈርስም” በሚል ከማዘነጊያነት ያልዘለለ ፈሊጥ አገር ሆና ልትቀጥል አትችልም፤
    በተቃራኒው ሰርክ የሚያፈራርሳትን የዘረኝነትና፤ ተረኝነት ሴራ አባዝተው እየበተኑ፤ በትረ-መንግስት ጨብጠውም፤ ኢኮኖሚያዊና መህበራዊ ተቋማትን፤ ወታደራዊና የደህንነት ስልጣኑን በጅ አርገው ስለመበደል፤መጭቆንና ተገዥነት እያላዘኑ መቀጠል ፤ “ፍትህ ጎደለብን፤ ህልውናችን አደጋ ላይ ወድቆብናል” ባሉ ሀዝቦች ቁስል ላይ ጨው እየነሰነሱ ያለርህራሄ ቁስላቸውን እያፍረጠረጡ፤ በማስፈራራት መዘባነን ፤ለከፋ ሞትና ውርደት ይዳርግ እንደሆነ እንጅ ያአዲሳቤ አራዳ እንደሚለው ለማስተባበያነት እንኳ አይነፋም።
    ላለፉት ሶስት አመታት “ያሻግሩናል” በሚል ተስፋ፤ አንዴ “ደሞዝ ጠያቂ” ሌላ ጊዜ “መንግስት ገልባጭ” ያሏቸውን የቤተመንግስቱ ወታደሮች ስፖርት አሰርቶ መልስ ጀምሮ እስከትናንትናው “የህግ ማስከበር” ጦርነት ያለሃፍረትና ይሉኝታ የለቀቁበትን፤ ነጭ ውሸት ተሸክሞ፤ ሲያጠፉ ጥፋታቸውን እያለባበሰ፤ ባደባባይ ሲዋሹት “ ሲቀልዱ ነው፤ እንዳይባባስ ለማለዘብ አስበው ነው፤ …” እያለ አፍረታቸውንም፤ ነውራቸውንም፤ ቅሌታቸውንም ተሸክሞ፤ እራሱ እየለበሰ፤ እያቃና ሲደግፋቸው የከረመውን ኢትዮጵያዊ ዜጋ ሜዳ ላይ አስጥተው ፤ ወደ መረጡትና ቀድሞውንም የኔ ወደሚሉት ክልል መሪነት የወረዱት ጠቅላይ የሁላችንም መሪ ይሁኑልን ሲባሉ፤ የሁላችንም አስተዳዳሪ ለመሆን ለአቅመ ኢትዮጵያ መሪነት ያልደረሱ፤ ከሰፊ አገር መሪነት ይልቅ የመንደር ጎበዝ አለቅነት የሚበልጥባቸው መሆኑን፤ ለሰልፉ በሰጡት ቡራኬ አረጋግጠዋል።
    በዚህ ድርጊታቸው “አዳኛችን መጣ” ብሎ በድፍን ኢትዮጵያ የገጠር መንደሮች ሳይቀር ያለማንም ቆስቋሽ፤ ያለ ውሎአበልና፤ የማባበያ ድጎማና ቲ-ሸርት፤ ባደባባይ ወጥቶ ደስታውን የገለጸላቸውን ፤ኢትዮጵያዊ አንገቱን ጨርሶ እንዲደፋ አስደርገውታል። በሌላ በኩል እሳቸው ዛሬ የመረጡት “ባለ ጊዜነትን ታካኪ አድርጎ” በድጋፍ ስም ወጥቶ ፤ ከቀድሞ ጌቶቹ በወረሰውና በተለመደው ዘለፋ ሲራገም የዋለው “የኦዴፓ-ብልጽግና መራሽ ሰልፈኛ” በአለ-ሲመታቸውን ተከትሎ ከወጣው ሰልፈኛ ጎን ድምጹ አልተሰማም፤ ወይም እዚህ ግባ የሚባል ተሳትፎ አለማድረጉ የሚታወስ ነበር።
    ስለሆነም ሰውየው ያለምንም ማስያዣ፤ እጅግ ባጭር ጊዜ ተስፋውን የጣለባቸውን ስልሳ አምስት በመቶ የሚሆነውን የኢትዮጵያ ህዝብ ድጋፍ አሽቀንጥረው ጥለው፤ በገዛ ፈቃዳቸው ከዴሞክራሲያዊነት፤ ወደዘላለማዊ እድሜ ፈጅ መሪነት፤ ከታላቅ አገር አስተዳዳሪነት ወደ ዘውግ -ጎሳ አለቃነት” ዝቅታን ሲመርጡ፤ በመጭው ምርጫ ላይ ሊኖረን የሚችለውን የዴሞክራሲያዊ፤ፍትሃዊና፤ ተአማኒነት ፤ተስፋ፤ አጨልመውታል።
    በዚህ የተንሳ ከወዲሁ እንዲህ ብለን እየቆዘምን እራሳችንን በማነቃቃት እንድንጣራ ተገደድን፤
    “ተነሳ ጓዴ ምራኝ መንገዱን፤
    የጌታችንን፤ “ንጉሣችንን” አየነው ጉዱን” የሚለውን የኖረ የግፏንን እንጉርጉሮ ስንኝ እያንጎራጎርን ፤ ባናቱ ”አሻጋሪያችን አብይ አህመድ” “…ሳሩን እያሳየህ ወደ ገደል ንዳው…” የርካብና መንበር ጭውቴ ፤ እንጨምርበታለን።
    ከሁሉ- ከሁሉ አዲሶቹ ተረኞች የምርጫዋ እንቁልልጭሽ እስክትጀመር እንኳ ትግስት ማጣታቸውና ፤ በኦሮሙማ ስሌት ሊሰለቅጧት ያሰቧትን ኢትዮጵያ እጣ-ፈንታ ገና ከማለዳው ማረጋገጣቸውን ታዝበን የጉባይ እያልን እንጣራለን፤ እናሳስባለን።
    ከዚህ ወዲያ በቃለአባይነት የተካኑት፤ ደግመው ደጋግመው በመዋሸት የሰለጠኑትና ውሸታቸውን በሌላ ውሸት ሲያስተባብሉ ቅንጣት ሃፍረት ወይም ነውር የማይሰማቸው “አሻጋሪያችን” ደግመው ደጋግመው የሚነግሩንን “ኢትዮጵያ አትፈርስም” ቧልት ከምር ቆጥረን ከተዘናጋን የደነቆርነውና በቁም የሞትነው እኛ እንሆናለን።
    እኛ የምናውቃት ኢትዮጵያ ከፈረሰች ውላ አድራለች። ይልቁንስ ያለች መስላ ከ28 አመት በፊት በህግ የፈረሰችና በጠመንጃ ሰንሰለት ተጠፍራ “ በምናልባት!” የቆመች፤ ኢትዮጵያ የምትባል አገር ነች፤ እውነተኛዋ ኢትዮጵያ ያለችው መፍረሷ ባልተዋጠላቸው ሚሊዮን ዜጎችዋ ልብ ውስጥ ነው። “አትፈርስም” የሚሉን መሪ፤ ሌት ተቀን ጥፋቷን የሚያፋጥነውን ስርአት ሙጥኝ ብለው በያዙበት ፤ የወያኔን ስርአት አቅፈው ደግፈው እያሳደጉ ፤ደብረጽዮንን በሙሉ፤ ሳሞራን በብርሃኑ ጁላ፤ አባይ ጸሃየን በአባ ዱላ፤ ጌታቸው አሰፋን በተመስገን ጥሩነህ.. በመተካት ምላሳቸውን በሆዳቸው እያወጡ ሲያላግጡብን ዝም ካልናቸው፤ እጣ-ፈንታችን እንደጸጉራም በግ፤ አለች ስትባል ተበትናና ተበጣጥሳ ለቁጥር የሚያታክት፤ለያዥ ለገራዥ የሚያስጨንቅ እልፍ ትትንሽ ፍንጥርጣሪነት ስትቀየር ቆሞ ለማየት እንኳ ሳንታደል አብረን ተያይዘን መጥፋት ይሆናል።
    የቀድሞ ጌታውን ፈንግሎ የስልጣን ማማ ላይ ፊጢጥ ያለው የኦዴፓ-ብልጽግና ጌታው በወደቀበት መንገድ ፤ለመጓዝ ቆርጦ መነሳቱን በካድሬዎቹ ትዛዝ ባስወጣው የክተት ሰልፍ አረጋግጦልናል። የሰሞኑ ሰልፍ የምርጫው ፍጻሜ ምን ሊሆን እንደሚችል አመላካች ብቻ ሳይሆን የማንቂያም ደውል ነው። ይሄ ካላባነነንና ካልስደነገጠን እንደሟርት ስንቆጥረው የኖርነው የይጎዝላቪያ እጣ ባገኘነው ብለን የምንጓጓለት፤ ቢገኝ እንደጽድቅ የሚቆጠር፤የሚመኙት እንጅ የማያገኙት እድል እንደሆን የምንረዳበት ጊዜ ሩቅ አይሆንም።
    ከዚህ ሁሉ በፊት ኢትዮጵያ እንድትቀጥልና ሁላችንም የምናተርፈው አገራችን ከዚህ ከተደቀንባት የመበታተን አደጋ ስትተርፍ በቻ ነው የሚል ሙሉ እምነት ያላቸው ወገኖች በረባ ባልረባ፤ በግለሰባዊ ፍላጎት በመሃከላቸው ያለውን የጎንዮሽ መናቆር አቁመው አስቀድሞ አካሂያዱ ሊወሰንለት እያኮበኮበ ባለው ምርጫ እንደ አንድ አዳኝ ሃይል ተቀናጅተው ኦዴፓ-ብልጽግናን ካልመከቱ ለሚደርሰው ማናቸውም ጥፋትና ውርደት ተጠያቂ ከመሆን አያመልጡም። ከጥፋቱ ተርፎ ወሬ ነጋሪ የተገኘ እንደሆነ።

  14. ሠላም የዘሃበሻ አዘጋጅ ሄኖክ _ የካቲት 10 ቀን 2013 ዓ/ም ስለኢሳት ያቀረብከው የሹክሹክታ መረጃ በእወነት ልበልህ በጣም_በጣም አንጀቴን ያራስከው ፥ በዚህም በጣም አመሠግናለሁ ፥ ከ7ዓመታት በላይ ለኢሳት ገንዘቤን ስረጭ ከርሜያለሁ ፥ ይሄ በየወሩ የማዋጣው እንጂ በየድግሱ ለኢሳት እየተባለ የሚዋጣውንማ ቤት ይቁጠረው ፥ ለዶ/ር ብርሃኑ ነጋ መቀለጃ መሆኑን በፍጹም አላውቅም ነበር ፥ ኢሳት የግንቦት 7 መሆኑንም ያወቅሁት በጣም ዘግይቼ ነበር ፥ ለትግራዩ ፋሽስትና ነፍሰ_ገዳይ ህወሃት ከነበረኝ የመረረ ጥላቻ የምከፍለውን ገንዘብ በፍጹም ክምንም አልቆጥረውም ነበር ፥ በእርግጥ ኢሳት በወቅቱ ትልቅ ሥራ ሠርቶዋል ፥ ዶ/ር ብርሃኑ ነጋ በደረሰበት ሁሉ ሸፍጥና ተንኮል እንጂ በፍጹም ቀናነት የሌለው ሰው ነው ፥ ዛሬ የኢሳትን ጉድ ጉልጉል አድርገህ ለኢትዮያውያን በማሳወቅህ በእጅጉ ትልቅ ምሥጋና ይገባሃል ፥ ሄኖክ አንተ እውነትና እውነት ብቻ ተከተል ፥ የእኛ ሀገር መንግሥታት ምን ጊዜም ከሕዝብ ጎን ቆመው ስለማያውቁ የመንግሥትን ፖሮፖጋንዳ አትመናቸው ፥ እውነቱን ብቻ እያወጣህ ለኢትዮጵያ ሕዝብ መረጃ ስጥ ፥ አንተ ከሕዝብ ጋር እውነቱን ተከትለህ የምትሄድ ከሆነ ምንጊዜም ሕዝብ ከአንተ ጋር ነው ፥ በርታ … ሌሎች ለሕዝብ ያልደረሱና መነገር ያለባቸውን ሁሉ ማንንም ሳትፈራ እንደ አየር መንገዱ እያጋለጥህ ለሕዝብ እውነቱን ብቻ አቅርብ ፥ መልካም ጊዜ እመኝልሃለሁ ፥ ኃ/ሚካኤል ከሜሪላንድ አሜሪካ @

  15. በዐቢይ አሕመድ የሚመራው የኦሮሙማ የአፓርታይድ አገዛዝ በኢትዮጵያ ላይ እየፈጸመው ያለው ወረራ!
    ይህን ከታች የምታነቡትን ጉድ ተረኛነት እያላችሁ ተረኛነትን አታቃሉት። ተረኛነት እየተባለ ለሚቀረበው ነገር ማነጻጸሪያ እየሆነ የሚቀርበው ወያኔ ባለተራ በነበረበት ዘመን “የኢትዮጵያ” መከላከያ ሠራዊትን፣ “የኢትዮጵያ” አየር መንገድን፣ “የኢትዮጵያ” ስደተኞች ጉዳይ አስተዳደርን፣ ወዘተ የባንክ ሒሳብ ወደ ትግሬ ባንክ አላዛወረውም። የዐቢይ አሕመድ የአፓርታይድ አገዛዝ የሕወሓትን የነውረኛነት፣ የተረኛነትና የአፓርታይድ ክብረ ወሰን የሰበረው በመንግሥትነት በተሰየመ በአስር ወሩ ነው።
    ይህ ከታች የምታነቡት የዐቢይ አሕመድ የኦሮሙማ የአፓርታይድ አገዛዝ በኢትዮጵያ ላይ እየፈጸመው ያለው ተግባር ጦርነት የሚያስነሳ ወረራ ነው።
    ዐቢይ አሕመድ ይህን ሁሉ ነገር ሲፈጽም የብሔራዊ ባንክ ገዢ ተደርጎ የተጎለተው የብአዴኑ ግዑዝ ይናገር ደሴ እና የጉዳዩ ባለቤቶች የሆኑት የኢትዮጵያ ንግድ ባንክ ቦርድ አባላት አንዳች የሚያውቁት ነበር የለም።
    ዐቢይ አሕመድ “የአገር መገለጫ ምልክት ነው” ሲለን የነበረውን “የኢትዮጵያ መከላከያ” ንብረት በኦሮሞ እጅ ተጠቃሎ እንዲቀመጥ ያደረገው መከላከያ ተብዮውን ለአንድ ክልል ጥቅም እንዲሰራ ለማድረግ ብቻ ሳይሆን በኢትዮጵያ ስም የሚጠራውን መከላከያ ሠራዊት በሚመለከት ከኢትዮጵያዊው ተቋም ከኢትዮጵያ ንግድ ባንክ በላይ የኦሮሞን ባንክ እንደሚያምን፤ ከኦሮሞ ውጭ ሌላውን ኢትዮጵያዊ እንደማያምን እየነገረን ጭምር ነው።
    ይህ ዐቢይ አሕመድ በኢትዮጵያ ስም የሚጠራውን የመከላከያ ሠራዊት ንብረት ለኦሮሞ ጥቅም በተቋቋመ ባንክ ውስጥ ተጠቃሎ እንዲቀመጥ በወሰነው ውሳኔና ሕወሓት የሰሜን ዕዝ ተብዮው የትግራይን ጥቅም ሊያስጠብቅ አይችልም ብሎ ሲያስብ በዕዙ ላይ ወረራ ፈጽሙ ጦሩ እንዲበተን ባደረገው ጥቃት መካከል ልዩነት የለም። ሁለቱም ተግባራት የአገር መገለጫ የሚባለውን መከላከያ ሠራዊት አፍርሶ ለአንድ ክልል ጥቅም እጅ የሰጠ ቅልብ ጦር ለማቋቋም ያለሙ ናቸው። please share.
    ▶Achamyeleh Tamiru

  16. ሚሚ እባላለሁ የምኖረው ዊንፔግ ካናዳ ሲሆን በዚህ አካባቢ አዲስ ምግብ ቤት ከባለቤቴ ዘላለም ጋር ሆነን ከፍተናል በዚህ አስከፊ በኮረና ዘመን ጁላይ 2020 ታዲያ ይህንን አስመልክቶ የዊንፔግ ሲቲቪ ና ሲቢሲ የሚባሉ ሚዳዎች ዘግበዋል 2020 established business በሚል ስለዚህ አንተም ከቻልክ እንድታስተዋውቅልን ነው የምጠይቅ ብዙ ግዜ ፕሮግራም ላይ የኢትዩጲያን ምግብ ስለምታበራታ እኛም ይህንን ዕድል ከሰጠከን ብዬ ነው ሁሉንም ዜና ና ፁሁፍ እልክልአለው

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.