እስቲ ዶሴው ይውጣ. . .የሕወሓት መስራቹ አረጋዊ በርሄ (አቻምየህብ ታምሩ)

3
የሕወሓት መስራቹ አረጋዊ በርሄ በትናንትናው እለት ከምኒልክ ቴሌቭዥን ጋር ባደረገው ቃለ ምልልስ ሕወሓት አማራን በጠላትነት የፈረጀበት ማኒፌስቶ የድርጅቱን መስራች አባላት አስተሳሰብ በሙሉ የማይወክል መሆኑን ጠቅሶ አማራ በጠላትነት የተፈረጀበት የሕወሓት ማኒፌስቶ ይፋ በተደረገ በስድስት ወሩ በኮንፍረስ እንደተቀየረና ማኒፌስቶውን ያዘጋጁትም እነ መለስ ዜናዊ [መለስ ዜናዊ የሕወሓት መስራች አባል እንዳልሆነ ልብ ይሏል]፣ ስብሀት ነጋ፣ ስዩም መስፍንና ዓባህ ፀሐዬ መሆናቸውን ነግሮናል።
አረጋዊ በርሄ ዶክተርነቱ ሳይከብደው እንዲህ አይነት ነጭ ውሸት በቴሌቭዥን መስኮት ብቆ ብሎ ለመናገር የደፈረው የመሰረተውና ለአስር ዓመታት ያህል የመራው ሕወሓት ተጀምሮ እስኪጨረስ ድረስ፤ የተጠነሰሰው፣ የተወለደው፣ ያደገው፣ የጎለመሰው፣ ለመንግሥትነት የበቃውና መልሶም ወደ ሽፍትነት የገባው ባዘጋጃቸው ፕሮግራሞቹ ሁሉ አማራን በጠላትነት ፈርጆ ለማጥፋት መሆኑን ዘንግቶት አይደለም።
አረጋዊ በርሄ ሕወሓት አማራን በጠላትነት የፈረጀበት ማኒፈስቶ ስድስት ወራት ብቻ የቆዬ፣ በሱና የአስተሳሰብ አጋሮቹ በሆኑ ሕወሕታውያን የውስጥ ትግል ከስድስት ወራት በኋላ በኮንፍረንስ የተቀየረ እንደሆነ አድርጎ በማቅረብ ወጣቱን የሚያሳስተው የሚዋሸውን ሁሉ ከስር ከስር እየተከታተለ የሚያጣራ፣ የሚመረምርና በማስረጃ የሚያጋልጥ ሰው ይኖራል ብሎ ስላላሰበና እየኖርንበት ያለው ዘመን የማይዋሽበት ዘመን መሆኑን ዘንግቶ ነው።

በነገራችን ላይ አረጋዊ በርሄና በአስተሳሰብ ስለተለዩ ሳይሆን በልዩ ልዩ የግል ምክንያት ከሕወሓት እንዲወጡ የተደረጉና የተባረሩ የትግሬ ብሔርተኞች ሁሉ ሕወሓት አማራን ለመጀመሪያ ጊዜ በጠላትነት ስለፈረጀበቱ የ1968ቱ ማኒፈስቶ የሚናገሩት ነገር ተመሳሳይ ነው። ግደይ ዘርዓ ጽዮን በ2010 ዓ.ም. “ከትግል ትዝታዎቼ፡ የደደቢት አብዮት በሴረኞች መቀጨት” በሚል ርዕስ ባሳተመው የቅጥፈት መጽሐፉ፣ ገብሩ አስረት በ2007 ዓ.ም. “ሉዓላዊነትና ዲሞክራሲ በኢትዮጵያ” በሚል ባሳተመድ ድሪቶ ያስተጋባው ተረት አረጋዊ በርሄ ትናንትና በምኒልክ ቴሌቭዥን ሊነግረን የፈለገውን ቅጥፈት ነው።

ተጨማሪ ያንብቡ:  ስለ ኮሎኔል ታደሰ ጥቂት ልበል

እኔ ለነዚህ የሕወሓት ሰዎች የነበረኝ ጥያቄ ሕወሓት አማራን ለመጀመሪያ ጊዜ በጠላትነት የፈረጀበትን የ1968 ዓ.ም. ማኒፌስቶ በስድስት ወራት ውስጥ ከቀየረ ተቀየረ የምትሉትንና አማራ በጠላትነት ያልተፈረጀበትን ድርጅቱ ከ1968 ዓ.ም. – 1983 ዓ.ም. የተጋገለበትን ማኒፌስቶ አቅርቡና አሳዩን የሚል ነበር። ሆኖም ግን አንዳቸውም ሕወሓት አማራን ለመጀመሪያ ጊዜ በጠላትነት ስለፈረጀበቱ ስለ1968ቱ ማኒፌስቶ እንጂ ከዚህ ማኒፌስቶ በኋላ ሕወሓት ነበረው ስለሚሉት ማኒፌስቶ አውርተውም ማኒፈስቶውንም አሳይተውን አያውቁም።

የምንኖርበት ዘመን እውነትን ለሚሻ ሁሉ እስከጥግ ድረስ መሄድና ማጣራት የሚቻልበት ዘመን ላይ በመሆናችን ሕወሓታውያኑ ስለ መጀመሪያው የጫካ ትግላችው የሚዋሹትን ቅጥፈትም ለማጋለጥ ዛሬ ላይ የመንፈስ አባቶቻቸው የነበሩት እነ ፖል ሔንዝ ያከማቹትን መዘክር ሁሉ መበርበር ይቻላል።

ከታች የታተመው ሕወሓት ለሁለተኛ ጊዜ አማራን በጠላትነት የፈረጀበት ፕሮግራሙና ድርጅቱ በሚያዚያ/ግንቦት 1975 ዓ.ም. ሁለተኛውን ኮንግረስ ካካሄደ በኋላ ያወጣውን ሕገ መንግሥትም ያገኘሁት የነፍስ አባታቸው የነበረው ፖል ሔዝን በማሕደር የከዘነውን የሕወሓት ጉድ ሳገላብጥ ነው። ከዚህ የሕወሓት ሁለተኛ ድርጅታዊ ፕሮግራም ማየት እንደሚቻለው የነበረው እውነት አረጋዊ በርሄ ዛሬ እንደሚለው ሳይሆን ሕወሓት አማራን በጠላትነት ፈርጆ ለማጥፋት የታገለው በ1968 ዓ.ም. ባወጣው ማኒፈስቶ ብቻ ሳይሆን በ1975 ዓ.ም. ባደረገው ሁለተኛ ኮንግረሱም አማራ ጠላት መሆኑን በኮንግረስ አስጽድቆ ለሁለተኛ ጊዜ በፕሮግራሙ ላይ አስፍሮት ነበር።

ይህንን እውነት ከታች በተያያዘው የሕወሓት የ1975 ዓ.ም. [እ.ኤ.አ.በ1983 ዓ.ም.] ሕገ መንግሥት ወይም ማኒፌስቶ በግልጽ ማየት ይቻላል። በቢጫ ቀለም ያቀለምሁት የሕወሓት የ1975 ዓ.ም. ሕገ መንግሥት በግልጽ እንደሚያሳየው ሕወሓት አማራ እንደ ሕዝብ ጠላት መበየኑንና የሚታገለው ይህንን ጠላት አድርገው የፈረጁትን አማራን ለማጥፋት መሆኑ ቃል በቃል ሰፍሮ እናገኘዋለን።

ተጨማሪ ያንብቡ:  ልዩ ጥበቃ ለትግራይ ሕዝብ፣ ለትግራይ የለውጥ ኃይሎች - አንድነት ይበልጣል - ሐዋሳ

ልብ በሉ! ሕወሓት በ1975 ዓ.ም. ሁለተኛ ድርጅታዊ ኮንግረሱን አድርጎ ይህንን አማራን በድጋሜ በጠላትነት የፈረጀበትን ፕሮግራሙን ሲያውጅ አረጋዊ በርሄ የሕወሓት ወታደራዊ መሪ ነበር። የሕወሓት ወታደራዊ መሪ ሆኖ በመራው ድርጅታዊ ኮንግረስ አማራን በጠላትነት አስፈርጆ እንዲጠፋ ለመታገል የተዋዋሉበት በኮንግረሳቸው ያጸደቁትን ፕሮግራም ክዶ ነው እንግዲህ አረጋዊ በርሄ አማራን በጠላትነት የተፈረጀበት ማኒፌስቶ የድርጅቱን መስራች አባላት አስተሳሰብ በሙሉ የማይወክል፣ ይህ በ1968 ዓ.ም. ይፋ የተደረገ ማኒፌስቶም በስድስት ወሩ በኮንፍረስ የተቀየረና ማኒፌስቶውን ያዘጋጁትም እነ መለስ ዜናዊ፣ ስብሀት ነጋ፣ ስዩም መስፍንና ዓባህ ፀሐዬ መሆናቸውን ዓይኑን በጨው አጥቦ ንጹሕ መሆኑን ሊነግረን የሚቃጣው።

ባጭሩ በቤተ ሕወሓት አማራ በጠላትነት የተፈረጀው አረጋዊ በርሄ ሊነግረን እንደፈለገው የሁሉን መስራች አባላት አስተሳሰብ በማይወክል አኳኋን በ1968 ዓ.ም. ይፋ በተደረገውና በስድስት ወሩ በኮንፍረስ እንደተየቀረ ሊነግረን በፈለገው ፕሮግራሙ ብቻ ሳይሆን አረጋዊ በርሄ ራሱ የሕወሓት መሪ በነበረበት በ1975 ዓ.ም. በተካሄደው የሕወሓት ሁለተኛ ኮንግረስ በጸደቀው ድርጅታዊ ሕገ መንግሥት ጭምር ነበር።

አማራን በ1968 ዓ.ም. እና በ1975 ዓ.ም. ባወጣቸው ፕሮግራሞቹ በጠላትነት የፈረጀው ሕወሓት ለ27 ዓመታት አገር ሲመትር ኖሮ ከግፍ ሥልጣኑ ከተወገደና ካለፈው ኅዳር ወር ወዲህ ድጋሚ እንዲሸፍት ከተገደደ በኋላም በጦር ኃይሎች ጠቅላይ አዛዥ በዐቢይ አሕመድ፣ በአየር ኃይል አዛዡ በይልማ መርዳሳ፣ በኢታማጆር ሹሙ በብርሃኑ ጁላና በምድር ኃይሎች አዛዡ በአስራት ዴኔሮ እየተደበደበ ባለበት በዚህ ወቅትም “የሴንትራል ኮማንድ” አመራር ነው በተባለው በጻድቃን ገብረ ተንሳይና በቃል አቀባዩ በጌታቸው ረዳ በኩል ከተደበቀበት የቀበሮ ጉድጓድ በሚሰጠው መግለጫም የሚናገረው ዛሬም የሚታገለው የአማራን ጭቆና እንደሆነ ነው።

ተጨማሪ ያንብቡ:  የወያኔ ክንዶች እየዛሉ ነው | ተሻለ መንግሥቱ

 

አቻምየህብ ታምሩ

196326616 4179959825359268 5685524791458231787 n

196824695 4179959852025932 7595927920474383508 n

CIA report: Smuggling weapons in the name of famine to overthrow Marxist dictator, Col Mengistu Haile-Mariam

3 Comments

  1. ይሄ እባብ መለስ ዘራዊ ሙቷል ብሎ ነው እንዲህ ነው የሚካካዱት ሰውንም የሚክዱት አባይ ጸሀዬ ስዩም መስፍን አጽማቸው ሳይፈርስ ስብሀት ነጋም ሳይሞቱ ክዷቸዋል። ግብጽን ጦር እገጥማለሁ የሚል ሀገር አረጋዊን ህዳሴ ላይ መሾም ምን ይባላል?

  2. አሁንስ ዶር ብርሀኑና አንዳርጋቸው ጽጌ አማራ የለም የሚሉት እውነት ሳይሆን አይቀርም። ይህ ካልሆነ ማንም እየተነሳ አፉን ባልጠረገበት ነበር አብን ተወግዞ የብርሀኑ ፓርቲም ጥቁር ጨርቅ ባልተውለበለበም ነበር አሳምነው ሙቶ በድኖች አማራን ባልወከሉ ነበር። ይህንን ስናጠቃልል አማራም የአማራም መሪም የለም ብሎ መዝጋቱ ይሻላል። አቻምየለህ እናመሰግናለን።

  3. ውድ አቻምየለህ፣ ያንኑ ያንኑ ስትወቅጥ ዘመንህ ሊያልፍ ነው። ስምክን አቻምየህብ ማለት ጀመርክ ደግሞ? ከላይ ስህተት መስሎኝ ነበር፤ ከግርጌም ስትደግመው ልትለው ወይም ልትደብቀው ያሰብከው ነገር ይኖራል ብዬ ጠረጠርኩ! እነ አረጋዊ በርሄ “በአስተሳሰብ ስለተለዩ ሳይሆን በልዩ ልዩ የግል ምክንያት ከሕወሓት እንዲወጡ የተደረጉ” ናቸው ካልክ “ተመራማሪ” እንደ መሆንህ “ልዩ ልዩ የግል ምክንያት” ላልከው መረጃ ማቅረብ ነበረብህ! አላቀረብክም፣ አንተ ሰነፍ! ትግሬ አማራን አምርሮ ይጠላል አልከን፤ የአማራን መጠላት እጅጒን የምትፈልገው እስኪመስል አማሰልከው። ለመሆኑ ያንተን ኦሮሞ ጠልነት ልታስረዳ ትችላለህ? በተገኘው አጋጣሚ ከመንገድ ወጥተህ ሳትዘባርቅ የቀረህበትን አላስታውስም፤ ከላይ እንዲህ አልከን፦ “አማራን በ1968 ዓ.ም. እና በ1975 ዓ.ም. ባወጣቸው ፕሮግራሞቹ በጠላትነት የፈረጀው ሕወሓት ለ27 ዓመታት አገር ሲመትር ኖሮ ከግፍ ሥልጣኑ ከተወገደና ካለፈው ኅዳር ወር ወዲህ ድጋሚ እንዲሸፍት ከተገደደ በኋላም በጦር ኃይሎች ጠቅላይ አዛዥ በዐቢይ አሕመድ፣ በአየር ኃይል አዛዡ በይልማ መርዳሳ፣ በኢታማጆር ሹሙ በብርሃኑ ጁላና በምድር ኃይሎች አዛዡ በአስራት ዴኔሮ እየተደበደበ ባለበት …” እነማንን ጠቅሰህ እነማንን ተውክ? አንባቢህን ከመናቅህ ብዛት (ራስህን ብቸኛ አዋቂ በማድረግህ) የኢትዮጵያን ጦር ኃይልና መንግሥት የሚመሩ ሦስት ኦሮሞዎች ናቸው ማለት ቃጣህ! ይህን ከፋፋይነትህ የትም አያደርስህም እርምህን አውጣ!

    ሌላ ጥያቄ ልጠይቅህ፣ በህወሓት ችሮታ ኖርዌይ ድረስ ተምረህ ሰው እንድትሆን ተልከህ፣ አማራ ሕዝባችንን እንደ ማገዝ MICROFINANCE: DOES IT SUPPORT HOUSEHOLDS TO ACHIEVE AN INCOME ABOVE SELF-SUFFICIENCY? EVIDENCE FROM RURAL NORTHERN TIGRAY REGION OF ETHIOPIA የሚል ጥናት ማድረግህ ለምን ነበር ይሆን? ሳትፈራ ሳታመኻኝ አስረዳና!

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.