“መካሪ የሌለው ንጉስ ያለአንድ አመት አይነግስ” – ከወይራው እርገጤ

2

መካሪ የሌለው ንጉስ“መካሪ የሌለው ንጉስ ያለአንድ አመት አይነግስ” “

መካሪ የሌለው ንጉስ ያለአንድ አመት አይነግስ” ይላል ብሂሉ፡፡ አብይ አህመድ ወደ ስልጣን በመጣበት ጊዜ ህዝቡ በወያኔ 27 አመት የግፍ አገዛዝ የተንገፈገፈ ስለነበረ ንቅል ብሎ ወጥቶ ሙሉ ድጋፉን ሰጥቶት ነበረ፡፡አለምም ጉድ እስከሚል ድረስ በአገር ውስጥና በውጭ አገር ነጻነት የናፈቀው ኢትዮጵያዊ ሁሉ አስደማሚ ድጋፎችን በማሳየት የድጋፍ ስሜቱን ገልጾለት ነበረ፡፡በኦሮሙማ አክራሪወች ከተጠመዘዘው የኦሮሞ ክልል በስተቀር፡፡ ይህ የሆነ ሀቅ ነው፡፡

የሆነው ሁሉ ሆነና ትንሽ ቆይቶ አብይ አህመድ ታላቁ የኢትዮጵያ ህዝብ የጣለበትን እምነት ትቶ ወደ ኦሮሙማ አሮንቃ ተወተፈ፡፡ አብይ አህመድ ለዚህ ድርጊቱና ብሎም አሁን ላለበት ውድቀቱ ምክንያቱን ራሱ የሚያውቀው ሲሆን ታሪክም እውነቱን ወደፊት ይፋ ያወጣዋል፡፡ እኛም በበኩላችን አሁን ላለንበት የውድቀትና የውርደት ጊዜ እንዴት እዚህ ደረጃ ደረስን ብለን ብዙ መላምቶችን ልንሰጥ እንችላለን፡፡ ምሳሌ፦ አብይ በስልጣን እያለ ይህ ሁሉ ዘግናኝ ጉድ የተፈጸመው ሰውየው በኦሮሙማ ታጥሮና ተገድዶ ምንም ማድረግ ስላልቻለ ነው፡ ወይንም ከአቅሙ በላይ ችግሮቹ አፋጥጠው ይዘዉት ስለነበረ ነው ፡ ወይንም ሰውየው ቀድሞውንም ቢሆን ለኦሮሞ የበላይነት እንጅ ኢትዮጵያን ለማስቀጠል የሚሰራ ሰው አልነበረም ሌላም ሌላም …ወዘተ ብለን የየራሳችንን ግምት ልንሰጥ እንችላለን ፡፡ ህዝቡ የአብይ አህመድን ያኔ የተናገራቸውን የማታለያ ቃሎች ሰምቶና ሰውየውንም አምኖ ‘አሁን ገና የእድሜ ልክ መሪ አገኘን ’ ብሎ ተስፋ እንዳልጣለበት ሁሉ ሰውየው “እርፍና ነው” ብሎ ያመነ ቢሆንም የህዝቡ ተስፋ እንድሟጠጥና እምነቱ እንዲጠፋ የሚያደርጉ አያሌ የጅልና የድድብና ስራወችን ሰራ፡፡ ህዝብን በጠራራ ጸሀይ አስጨፈጨፈ፡፡ የንጹሀንን አስከሬን በዘር ቆጠረ፡፡አገርን አስወርሮ ውርደትን አስከተለ፡፡ እርሱ መሪ በነበረባቸው በእነዚህ 3 አመታት ውስጥ የተሰሩት አይን ያወጡ የዘረኛነት አሰራሮች፡ የሚያሳዝኑ ማፈናቀሎች፡ ገሀድ የወጡ ዘረፋወች፡ የሚዘገንኑ ግዲያወች ሰቅጣጭ ጭፍጨፋወችና የዘር ማጽዳቶች አገሪቱ በታሪኳ አጋጥሟት አያውቅም፡፡ በሰው በላው የወያኔ ጊዜም ቢሆን እንደዚህ ያለ ጉድ በዚህ ደረጃ አልታየም አልተሰማም፡፡ ለዚህም ነው በአብይ አመራር ጊዜ የተሰሩት ወንጀሎችና ግፎች ከስህተቶች የመነጩ ሊሆኑ የማይችሉት፡፡አብይ በጦሩና በደህንነቱ ክፍል ያደራጃቸውን የኦሮሙማ ሰንሰለቶች ወደጎን አቆይተን በሲቪሉ ብቻ ከመደባቸው መደዴወች ውስጥ ሽመልስ አብዲሳንና ታዬ ደንደአን ለይተን ብንመለከት ከእውቀት የጸዱት እነዚህ ሁለቱ ከአፋቸውም ከድርጊታቸውም የሚወጣውን የጥጋብ ቅርሻት ማገናዘቡ ብቻውን ሰውየው የገባበትን አሮንቃ የትየለሌነት ለማወቅ አያዳግትም፡፡

ህዝቡ አብይ አህመድን ጠብቆት የነበረው ከዘረኝነት በጸዳ መልኩ አገሪቱን ከማጥ አውጥቶ ወደ ዲሞክራሲ ይመራታል፡ ወያኔ በህዝብ ውስጥ የዘራውን የዘረኝነት መርዝና ወደ እርስ በርስ የመጠፋፋት ጎድና ዘግቶ ሁሉም የአገሪቱ ህዝብ በእኩልነትና በአንድነት የሚኖርበት ስርአት በአዝጋሚ መልኩ ቢሆንም ወደዚያው ይወስደናል የሚል ነበር፡፡ የህዝቡም ቀጣይ ተስፋ የነበረው አብይ በዚህ አድራጎቱ ለብዙ ዘመናት አገር በማስተዳደሩ ስራ ቀጥሎ እንደተወደደና እንደተከበረ ይኖራል የሚል ጽኑ እምነት ነበር፡፡ ይህ ህዝባዊ እምነት አሁን ላይ አፈር ድሜ በልቷል፡፤ ሊመለስም ከቶውንም አይችልም፡፡ በግፍ የተጨፈጨፉ የብዙ ንጹሀን ስወች ደም ይጮሀል፡፡ የቀሪው ህዝብም ልቡ ደምቷልም፡፡ሸፍቷልም፡፡ እምነቱም ተሟጥጦ አልቋል፡፡ አገሪቱም በሁሉም አቅጣጫ አየደማች ነው፡፤ ተደፍራለችም፡፡ ተወራለችም፡፡ ተአምር ካልተፈጠረ በስተቀር ኢትዮጵያ ከእንግዲህ ወዲያ በአብይ አህመድ ስር ሆና ነገሮች ሊሻሻሉ የሚችሉበት ደረጃ አይኖርም፡፡ይህ አልፏል፡፡ አብይ አህመድ በለመደው የማታለል፡ ወይንም በጦርና በጭፍጨፋ ስልት አለበለዚያም በሁለቱም ጥምረት አገዛዙን ለማስቀጠል ቢሞክርና የሚቀሩት ትንሽ የስልጣን ጊዜያት የሚኖሩት ቢሆን በእነዚሁ ጊዜያት ውስጥም ቢሆን ችግሮቹ ከመባባስ በስተቀር መፍትሄ ሊያገኙ ፈጽሞ አይችሉም፡፡ይህንን ማድረጊያው  ጊዜው አልፏልና ፡፡

ስለዚህ አሁን ላይ አገሪቱንም ጨርሶ ከሚያጠፋ የእርስ በእርስ ጦርነት (Full Scale Civil War) ሊያወጣት የሚችል፡ አብይ አህመድን ራሱንም በህግ ተጠያቂ ከመሆን ባሻገር ሊያድነው የሚችል አንድ እድል ብቻ ቀርቶታል፡፡ይህ እድልም ከሁሉ በፊት ከቅን ልብ የሚመነጭ መሆንን ይጠይቃል፡፡ አብይ የመጨረሻው አማራጭ ከቅን ልብ በመነጨና በይቅርታ መንፈስ ሊመራ የሚገባው ሁሉንም ኢትዮጵያዊያን ያካተተ ብሄራዊ የአንድነትና የጋራ ህዝባዊ ዲሞክራቲክ ኮንፈረንሰ በአስቸኳይ መጥራትና ከዚህ ኮንፈረንስ የሚወጣ ውስኔን በተግበር ላይ ማዋል ብቻ ነው፡፡ ይህንን ሳያደርግ ቀርቶ አሁንም ምርጫ እያለ የሚያፌዝ ከሆነ ውጤቱ የሚሆነው ሁሉንም የሚበላ ሰደድ እሳት ላይ ቤንዚን ማርከፍከፍ ነው፡፡

ኦሮሙማ አሁን የሚያደርገው የአማራን ህዝብ የመጨፍጨፋ ስራ በዚያው የሚቆም የሚመስላቸው ሌሎች ኢትዮጵያዊያን ካሉ ተሳስተዋልና ከአሁኑ መንቃትና የአማራን ለተረኞች የአልገዛም ባይነት አመጽን መቀላቀል አለባቸው፡፤ ጅቡ ኦሮሙማ ማንንም አይምርምና፡፡ ስለሆነም የአማራው ህዝብ ከሌሎች ኢትዮጵያዊያን ጋር ለኢትዮጵያ መዳን በስፋት መስራት አለበት፡፡ አማራው በቀጥታ በኦሮሙማም ሆነ በሆድ አደሩ የአማራ ብልጽግና አማካይነት ከሚደረግበት የግፍ አገዛዝ ነጻ ለመውጣት የሚያደርገውን ወሳኝ ትግል ወደላቀ ደረጃ ማሳደግ አለበት፡፡በጸረ ወያኔ ትግሉ ወቅት እንዳሳየው ብቃት ሁሉ ዛሬም ትግሉን በተሻለ የአደረጃጀት መልኩ የአማራው ብቸኛ አለኝታ በሆነው አብን – አማራ ብሄራዊ ንቅናቄ ዙሪያ በመሰባሰብ ተጋድሎውን በተቀነባበረ አሰራር ጫፍ እስከጫፍ በማቀጣጠል አስተማማኝ ነጻነት እስከሚያገኝ ድረስ ያለማቋረጥ ተጋድሎውን መቀጠል አለበት፡፡

2 Comments

  1. የመንግስት “ድክመቶች” እንዳሉ ሆነው፣ የአማራ ፖለቲከኞች ሁኔታ ኢትዮጲያን ወደ ማይፈለግ አቅጣጫ እየገፋት ይሆን? “በአማራ ህዝብ ደም የምትቆም ኢትዮጵያ የለችም” የሚል መፈክርም ተሰምቷል። ወያኔም የተበደለ ሲመስለው ይህንኑ ብሎ ነበር። የሚቀጥለውስ ምንድነው? የኔ ሚጢጢዬ ትንተና [ልብ በሉ ፍላጎት አይደለም!] ይቻት፤
    ተወደደም ተጠላ፤
    1። ክልል በቅርብ ጊዜ አይፈርስም። ለምን አትበሉ፤ በቃ አይቻልም!
    2። የአማራ ፖለቲከኞች የሌሎች ክልሎችን አመራሮች ማውገዝ ይችላሉ፤ መቀየር ግን አይችሉም። አይችሉማ!
    3። ኢትዮጵያ ዉስጥ ማንም በጉልበት ሌሎች ህዝቦችን አስገብሮ መግዛት አይችልም። በቃ ጊዜው አፈቅድም!
    4። ኢትዮጵያዊ ብሄርተኝነት ሳያስበው ወይም ተገፍቶ ወይም ከፍላጎት መመሳስል ከአማራ ብሄርተኝነት ጋር ተጎዳኝቷል [superimposed]
    ስለዚህ የአማራ ፖእቲከኞች ምርጫዎች ምንድናቸው?
    1። አቢይ አህመድ “ገዳይ አስገዳይ’ ነው የሚለውን ቀላል [simplistic] ትርክት ተተው ችግሩን በሰከነ መንገድ ለመፍታት መሞከር፣ እገዛ ማድረግ ። መንግስት ሃላፊነቱን እንዲወጣ በሰልፍ መጠየቁም ጥሩ ነው። ነገር ግን ቢያንስ ተጠልፎ የፖለቲካ መጠቀሚያ እንዳይሆን ደግሞ መጠንቀቅ ያስፈልጋል [ከመፈክሮቹ መገመት ይቻላል!]።
    2። በምርጫው በመሳተፍ ብልጽግናን ከአማራ ክልል ጠራርጎ ማሰገወድ፤፤ [አብን የአማራ ገዥ ሆነ ማለት አይደል፣ ሌላ የለማ!]
    3። አብን ከአማራ ክልል እና ከአዲስ አበባ [ምናልባት!] ዉጭ የሚያገኛቸው የምርጫ ዉጤቶች የወደፊት እጣ ፈንታውን ይወስናሉ። በሌሎች ክልሎች ያሉ “አማሮች” ይመርጡኛል ብሎ እርግጠኛ ሊሆን አይችልም። ሰው ጥቅሙን ያውቃል፣ “የአህያ ባል ከጅብ አያስጥልም” ሊል ይችላል። ይህ ማለት የአብን “ሃገራዊ” ፓርቲነት ጥያቄ ዉስጥ ይወድቃል ማለት ነው።
    4። አብን በአማራ ክልል ካሸነፈና መንግስት ከሆን ከሌሎች ክልሎች ከሚመረጡ ፓርቲዎች ጋር ለመስራት እንዴት መዘጋጀት አለበት? እንደዚሁ የተፋጠጥ ፖለቲካ ከሆነ በሂደት ምናልባትም በግፊትም ቢሆን ወደ አጸፋዊ ሃይል መጠቀም ፍላጎት ሊጎተት ይችላል፤ አለፍ ሲልም “የአማራ ነጻ መንግስት” የሚሉ ድምጾች ብቅ ሊሉ ይችላሉ[በእልህም ቢሆን እስካሁን ካልተሰሙ!]።
    የመጀመሪያው ምርጫ ቢሆን ጥሩ ነው። አስተዋዩ የአማራ ህዝብም ይህንንኑ ሊመርጥ ይችላል። ካልሆነም ሌሎቹ ገና ግምት ስለሆኑ ጊዜው ሲደርስ ይታያል። ያድርሰን!
    በምርጫ ብቻ!

  2. ኢትዮጵያ ኢኮኖሚዋ በፍጥነት አደገ ፤ ልማትዋ ተስፋፋ ሲባል ሀያ ሰባት አመታት አሳለፍን። ሌላስ ምን አደገ ወይም ሌላስ ምን ተስፋፋ የሚለውን ግን አትኩሮት አልተሰጠውም በኢህአዴግ ሰዎች። በኢህአዴግ ዘመን አማራን መጥላት እና አማራን መጉዳት በስፋት ተሰርቶበት ተስፋፍትዋል ከምንም በላይ። ኢህአዴጎች የአማራን ሰቆቃ ተለማምደውታል ፤ ግድም አይሰጣቸውም። አብይ አህመድ ኢህአዴግ ስለነበረ ይህንን ያውቃል ፤ አማራን ከብዙ ሰቆቃ ለማዳን ፡ አማራን ኦሮሞ ማድረግ ነው የሚል ድምዳሜ ላይ ደርስዋል ። ህወሀት በለው ማን በለው ኢህአዴግ የነበረ ብአዴንንም ጨምሮ የአማራን ስቃይ ከመጤፍም አይቆጥሩትም ፤ ገና ገና ብዙ የአማራን ጭፍጨፋ ቢያዩም አይገረሙም።

    አማራን ያስጎዱት አማራ ጨቋኝ ነበረ ፤ አማራ ቡርዥዋ ነበረ እያሉ ያልሆነ ምስክርነት ስለ አማራ እየተረኩ አማራን ያስወነጀሉ ከአማራ አብራክ የወጣን ነን የሚሉ ኦሮማራዎች ናቸው ፤ አሁንም አማራ እንዳይደራጅ እንቅፋት ለመሆን የማይቡዋጭሩት የለም። አማራን ለመድፈቅ ሀምሳ አመት ሙሉ ሰርተውበት ተክነውበታል ፤ የሚገረሙት አማራን መድፈቅ ሲያቅታቸው ነው እንጂ አማራን ደፍቀው ማስመጥ አዲስም ብርቅም አይደለም በእነርሱ አስተያየት። የአማራ ሳይሰጥም መዋኘት ይከነክናቸዋል ፤ ደፍቀው ለማስጠምም በቅርብ ይጠጋሉ። አማራ ደፋቂዎችን አናስጠጋ፤ ከሀምሳ አመት በላይ ተክነውበት የአማራ ደፈቃው ችሎታቸውን አዳብረውታል። በህይወት ዋና ስንዋኝ ርቀት እየጠበቅን፤ እርስ በእራሳችንንም እየተጠባበቅን ይሁን እነማን እንደሆኑ የቅርብ ሰው መስለው እየደፈቁን ያሉት ደፋቂዎቹ በእርግጠኝነት እስከምናረጋግጥ ድረስ።

    ኢህአዴጎችች ያልተገነዘቡት ነገር አማራ በአማራነቱ አይደራደርም ፤ በማንነቱ ኩሩ ነው ። መቶ ጊዜ ቢገደል ወይም መቶ ጊዜ ቢወተወት አማራ ለአማራነቱ ቋሚ ነው። ኦሮሞም አይሆንም ኤርትራም አይሆንም ተርቦም ታርዞም ይኖራታል እንጂ አማራነቱን ለሰከንድ አይለውጥም ፤ ልሁንም ብሎ ቢሞክር አይሆንለትም ከውስጡ የሌለን መሆን አይሳካላትም አማራ።

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.