ማስተባበሉ አያዋጣም! – ጌታቸው ሽፈራው

2

የስነ ጥበብ ባለሙያዎች ሽልማት ላይ የተነሳውን ቅሬታ ጠበቅ ያለ በመሆኑ አዘጋጆቹ የጨነቃቸው ይመስለኛል። እንደኔ የመጀመርያ እንደመሆኑ ስህተት ይፈጠራል ብለው ቢያልፉት ይሻላል። ሲቀጥል ደግሞ ተቻኩለው ያደረጉት ነው። ከመንግስት ጋር ሆነው ያደረጉት እንደመሆኑ በዚህ የጥድፊያ ወቅት የተደረገ ነው ብለው ቢጨምሩበት ሕዝብ ይረዳቸዋል። ከዚህም ባሻገር በመሃል ያልሆነ መመዘኛ የሚያመጣ ሰው አለ። ጫና የሚያሳድር ሰው ይኖራል። አንዳንዶቹ ይህን ጉዳይ ለማስተባበል የሞከሩ ሰዎች በጥሩ ስብዕና የምናውቃቸው ናቸው። ግን በሂደቱ ጫና ሊኖር እንደሚችል እንረዳቸዋለን።

ግን ዝርዝር መረጃ አምጥቶ መመዘኛ ነው ብሎ መከራከሩ አያዋጣም። ያጋልጣል ይበልጡን። “እንዴ ምንድን ነው ነገሩ?” ያስብላል። ለምሳሌ ሊሸለም ይገባው ነበር የተባለው አንደኛው ታማኝ በየነ ነው። የቴዎድሮስ ካሳሁንን በእድሜ ብለው ሊያስተባብሉ ሞክረዋል። እድሜ መመዘኛ መሆን አልነበረበትም። እስኪ ለጊዜው እድሜውንም በሚያሟላው ታማኝ መመዘኛዎቹን እንያቸው። ዛሬ የሽልማቱ መመዘኛ ብለው ያስተባበሉባቸው ቅሬታውን የሚያባብሱ ናቸው። መመዘኛዎቹ የተባሉት ከስር የተጠቀሱት ናቸው።

1/ በኢትዮጵያ ሥነ ጥበባዊ ልምምድ ውሰጥ አዲስ ፈለግ ያስተዋወቁ:_

ጥሩ መመዘኛ ነው። ታማኝ በመድረኩም በሌላውም የራሱ የሆኑ ፈለጎችን ያስተዋወቀ ሰው ነው። የሙያ አጋሮቹ ሳይቀሩ የሚያከብሩለት አበርክቶ ያለው ሰው ነው። ከተሸለሙት አብዛኛዎቹ መካከል በጉልህ የሚታይ ፈለግ አለው። እንዲያውም ወደ ዝርዝር ብንገባ ፈለግ ያላስተዋወቁም እናገኛለን።

2/ ሦስት አራተኛ የሕይወት ዘመን ዕድሜያቸውን በሙያው ውስጥ ያሳለፉ:_

አሁንም አርቲስትና አክቲቪስት እያላችሁ የምትጠሩት ለዛው መሰለኝ። ነው ነጠላ ዜማ ማውጣት አለበት?

3/ለሥነ ጥበባዊ እንቅስቃሴ በማይመች ሁኔታ ውስጥ፣ ፈተናውን ተጋፍጠው፣ ጥበባዊ አስተዋጽዖ ያበረከቱ:_

ይችኛዋ ዝም ብላ የእሱ ናት። በስጦታ ጠቅልላችሁ ስጡት። በዚህ ሽልማትኮ ከመጣው ጋር አጎብድዶ ያለፈው፣ በመንግስት በጀት ሲሰራ የኖረውም ሳይቀር ተሸልሞበታል። ሽርጥ እየለበሰ ደደቢት የሄደ የለም?

4/ [እንደየ አግባቡ] በባለሙያዎች እና በሕዝብ ዘንድ ሰፊ ተቀባይነት ያገኙ:_

በዚህም ምንም ጥርጥር የለውም። እንዲያውም በስህተታቸው ሕዝብ አሽርፏቸው የሚሄዱም ተሸልመዋል። ሕዝብ የሚጠላቸው፣ ጥበቡን ተጫወቱበት የተባሉ፣ ከጥበቡ ይልቅ ከገዥዎቹ ጋር ያላቸው ግንኙነት አሁናዊ ሰብናቸውን የያዘው ሰዎች ተሸልመዋል።

5/ለአዲስ ትውልድ ዕውቀት እና ልምዳቸውን ያካፈሉ። ወይም ውጣ ውረድን ያቀለሉ።:_

ይህም ለታማኝ ቀላል መመዘኛ ነው። በሌላ በኩል ደግሞ ከተሸላሚዎች መካከልም አርዓያ የማይሆኑ ሞልተዋል።

6/ ለማኅበረሰብ ሕይወት መሻሻል፣ ለማኅበረሰባዊ ዕሴት መዳበር፣ ለሀገር ሉዓላዊነት እና ተዛማጅ ለኾኑ ሀገራዊ ጉዳዮች ጉልህ አስተዋጽዖ ያበረከቱ:_

ሕዝብ ለሕዝብ ፕሮግራም አንደኛው እንዱ አርቲስት ታማኝ በዚህ መመዘኛ የመጀመርያው ነው። ያ ቡድን እንዲቀጥል ትልቅ አስተዋፅኦ ያደረገ ነው። ወይ ቡድኑን እንደ ቡድን መሸለም ነበር። ከዛ ቡድን ደግሞ ታማኝ አይነጠልም። ሀገር የገነቡ አባቶችን ከሂትለር ጋር እያመሳሰለ የዘፈነ ተሸልሞ ስለ ሀገር አንድነትና ሉአላዊነት ሲለፋ የነበረ ታልፏል ነው። የክልል ሉአላዊነትን ካልተከበረ እያለ የኖረ ተሸልሟል። ሌላው ታልፏል። ሕዝብን ከሕዝብ የሚነጥል ዘፈን ዘፍኖ የተሸለመ ባለበት ስለ ሕዝብ አንድነት የሰሩ ተረስተዋል።

ያው ጠቅላይ ሚኒስትሩም አሜሪካ ሄደው “ታማኝ ካልመጣ” ያሉት አስተዋፅኦውን ስለሚያውቁ ነው። ከተመረቁት መካከል አሜሪካ የነበሩት የግድ ካልመጡልኝ አልተባሉም። አዲስ አበባም የግድ ካላገኘኋችሁ አልተባሉም።

7) የተሸላሚዎቹ ዕድሜ፥ ስድሳ እና ከስድሳ በላይ መኾን ይኖርበታል:_

አይ እድሜ! አይ እድሜ! አይ እድሜ! መጀመርያ ነገር እድሜ መመዘኛ መሆን አልነበረበትም። ከሆነስ የየትኛው አርቲስት እድሜ ነው የሚታወቀው? በእርጠኝነት በእድሜ ቢሆን መመዘኛው አብዛኛው አርባዎቹ አጋማሽ ነኝ ማለቱ አይቀርም ነበር። ሌላው ደግሞ ከተሸላሚዎቹ መካከል ብዙዎቹ በእድሜ ከእነ ታማኝ የሚያንሱ ናቸው። ለምሳሌ ማንያዘዋል እንደሻው፣ ነዋይ ደበበ፣ፀጋዬ እሸቱ፣ኩኩ ሰብስቤ፣ ፀሀዬ ዮሀንስ፣ ሀመልማል አባተ፣ አረጋኸኝ ወራሽ፣ ነፃነት መለሰ፣ ቴዎድሮስ ታደሰ ታማኝን ትንሽ በእድሜ ሊበልጡት ይችላሉ። አበበ ብርኔ፣ ሞገስ ተካ፣ መሉአለም እጅጉ በእድሜ ከታማኝ የሚያንሱ ቢሆኑ እንጅ አይበልጡም። ብዙ በእድሜ የሚያንሱ አሉ።

8 ተሸላሚው ጥበበኛ በሕይወት ያሉ ሊኾኑ

ይገባዋቸል:_

ደውሉለት! በሽልማቱ ባለመካከቱ ደስተኛ መሆኑን ይነግራችሁ ይሆናል። መቸም ሊከፋው አይችልም።

በዚህ ጉዳይ መፃፌ የሚሰጡት ማስተባበያዎች የማያስተምሩ በመሆናቸው ነው። በሌላው መስክም ግልፀኝነት እንዲኖር፣ ስህተትን በጨዋ ደንብ ማረም እንዲቻል እንጅ ይሄ የሚታለፍ ነበር። ሰውንም በሆነ ባልሆነው ማሳሳት ጥሩ አይደለም። የምርጫ ወቅት ስለሆነ ቀለል ቀለል ባለው ብንማርበት ነው የሚሻለው!

2 Comments

  1. It is a good observation and comment . However, the very sensitive and of course essence of the matter is not only or simply a mater of criteria . It is a matter of why and how we got to this extent of being so senseless if not damn about the very tragic situation in our country ? How and why we lost our sense of real humanity and the moral strength at least to say that it is not the right time and situation for us to celebrate or have a real joy? Why and how our very souls or consciences allowed us to be the play cards or toys of the very dishonest and cruel politicians of EPRDF/Prosperity whose hands and minds are badly stained with the very blood of countless innocent citizens for three decades ? Why and how those “celebrities” of arts including senior ones terribly failed to live up to the very professional and moral standards ? Why and how they allowed those dishonest or deceptive and ruthless politicians led by the prime minister whose political and moral personality are extremely infantile , idiotic and misleading ? Why and how they dared to celebrate and enjoy this event right in the very environment horrifyingly stained with the very blood and untold sufferings of countless citizens? I could go on and on and on! But I strongly believe that these very powerful questions are quite enough examples to those who are genuinely concerned about what happened and what is happening in the country !
    I truly and strongly believe that the people of Ethiopia deserve to hear sincere apologies from those terribly failed “celebrities” of arts with out enumerating describing stupid rhetorical stories !

  2. ሜዳልያ አይበቃም ግዜም አይበቃም ሁሉንም ሜዳልያ የሚገባቸውን የሀገራችንን አርቲስቶች ለመሸለም። ቴዎድሮስ ካሳሁን/ቴዲ አፍሮ ወጣት ሳይሆን መካከለኛ እድሜ ያለው ሰው ስለሆነ ሜዳልያው እንኳን ቢቀርበት እድሜውን እንኳን በትክክለኛው መናገር ይገባ ነበር።

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.