በዓለም ማንኛውም ታሪክ ፤ የግለሰቦች ሚና ትልቅ ሥፍራ አለው – መኮንን ሻውል ወልደጊዮርጊስ

3

እንጉርጉሮ ( ዘለስኛ )

ስማኝ ወዳጄ ምነው ?
ዛሬ በ21 ኛው ክ/ዘመን
የጥንቱን ሰው በመኮነን
የዛሬውን ትውልድ መክሰሱ.
ምን ይረባል መዋቀሱ ?
ሥማኝ ወዳጄ ምነው ?
ሰው የልብ ወደጁን ሲጠላ
እሳት ይሆናል የሚባላ
አለሁ፣አለሁ እያለው
ሥንቱ ጓዱን በለው ?
ስማኝ ወዳጄ ፣ ምነው ?
ዛሬ ጋኖች አልቀዋል
ምንቸቶች ጋን ሆነዋል
አያችሁ አይደል በጥበብ ልብስ
ድንቁርና አገር ሲያፈርስ ።
ስማኝ ወዳጄ ምነው ?!
በገንዘብ ገዝቶ ያንን ካባ
ወንበር ሲሰጠው በደባ
ይኸው ከላይ ተቀምጦ
መግዛት ጀመረ ደፍጥጦ ።
ስማኝ ወዳጄ ፣ ምነው ?
አንድ እብድ ሺ ጤነኛን
በመንጋ ሲነዳ አየን
ቀና ምክራችን ሰሚ ካጣ
ወይ ያኔ ነው የሚመጣ ።
ስማኝ ወዳጄ ፣ ምነው ?
የእውነት አንደበት ተዘግቶ
ኃቅ አውሪ ሰው ተፈንክቶ
ውሸታም ሰው ከበረታ
አገር በወሬ ነው የሚፈታ።
ሥማኝ ወዳጄ ምነው ?
በዝተዋል ጥላቻን ሰባኪዎች
በቋንቋ ጎሣ አጋጪዎች
በምለስ ጉልበት ብር ሊያፍሱ
እዩት ጥላቻን ሲያነግሱ ።
ስማኝ ወደጄ ፣ ምነው ?
በሬ አዋለጅ ሲበዛ
ይከተለናል ድንዘዛ
ተፈጥሮው ሳይሆን እርግዝና
ውለድ ይለዋል በሬውን ተኛና ።
( መጋቢት 2013 ዓ/ም መኮንን ሻውል ወልደጊዮርጊስ )

ግለሰቦች በአንድ አገር ታሪክ ውስጥ  ትልቅ ሥፍራ ና    ዘመን የማይሽረው  ሥም ሊኖራቸው የሚችለው  ፣ ለመላው ዜጋ ጥቅም እና ለአገራቸው ክብርና ልእልና መወገናቸውን የሚያሳይ ተጨባጭ ድርጊት ሲፈፅሙ ና ዘመን ተሻጋሪ ሥራዎችን ሰርተው ሲያልፉ ነው ።

…ንጉሥ ቀዳማዊ ሚኒልክ ፣ንጉሥ ላሊበላ ፣ ንጉሥ ፋሲል ፣ንጉሥ  ቴዎድሮስ ፣ ንጉሥ ዮሐንስ ፣ንጉሥ ዳግማዊ ሚኒልክ … ንጉሥ ኃይለ ሥላሴ ፣ ፕሬዘዳንት መንግሥቱ ፣ ጠ/ሚ መለሥ ፣ ሞተው እንኳን ታሪክ እና ትውልድ የማይረሳቸው ፣ በምድሪቱ ገፅ ላይ ና በየትውልዱ  አትመው በሄዱት መልካም ና ክፉ አሻራ የተነሳ ነው።

የአገር መሪዎች ለሚመሩት  ህዝብ  ያበረከቱትን መልካም ሥራ እና በተቃራኒው ደሞ የፈፀሙትን እኩይ ተግባር ታሪክ በየጊዜው መዝግቦ ያሥቀራል ። በግልፅ አሥቀምጠው የሄዱትም አሻራ ማንነታቸውን ይመሠክራል።መሪዎች ለሚመሩት ህዝብ  ፣ ምን እንደሰሩለት እና በተቃራኒው ህዝቡን እንደሽፋን በመጠቀምና በሥሙ በመነገድ ፣ ግፍ ሲፈፅሙበት እንዲኖሩ ፣ አገርን በዝብዘው እርሱን አደህይተው እነሱ እንደበለፀጉ  ታሪክ ሳያዳላ መዝግቦ ያቆያል ። ሰዎች ታሪክን ሲፅፉ ሊያዛቡ ይችላሉ ።እውነተኛ ታሪክ ግን በትውልድ ቅብቡሎሽ በሰው ልብ ውሥጥ ታትሞ ለዘላለም እንደሚኖር መዘንጋት የለብንም ።

የሩቁን ትተን የቅርቡን የመለሥ አገዛዝን ቱሩፋት  እና ከሞተ በኋላ  የቀጠለውን ውርስ ሥራውን (ሌጋሲውን )  ብናሥተውል ፣ የምናዝንበት ክፉ ሥራ ከመልካሙ ሥራው በእጅጉ ልቆ በእያንዳንዳችን ልቦና ውሥጥ ታትሞ እናገኘዋለን ።

መለሥ በኢትዮጵያዊው ጥቁር አባይ መጠቀም መብታችን እንደሆነ በተግባር ማሳየቱ ከመልካሙ ሥራው በዋነኝነት ቢጠቀስም ፣ አገርን በጎሣ ሸንሽኖ የህዝብ ለህዝብ ፍቅር እንዲሸረሸር በማድረግ ፣ አገር እንድትፈራርስ መንገድ መጥረጉ ፤ ” ቤንሻንጉል ላይ የጀመረው ታላቅ ግንባታ ፋይዳው ምንድነው ? ” ያሰኘ ነበር  ።ለዚህ ነው የመለሥ አገዛዝ ሲነሳ ዘረኝነቱ ና የጭካኔ ክፉ ድርጊቱ ደምቆ የሚታየን  ።

ከመለሥ ዜናዊ ሞት በኋላ ፣ በቀጠለው የውርስ አገዛዝም  ሲቀነቀን የነበረው ዋልታ ረገጥ  ብሔርተኝነት ነው። ይህ ጠርዝ ላይ የቆመ ፀረ ፍቅር የሆነ   ብሔርተኝነት  ምን ያህል የአንድነት እና የህብረት ጠላት  ፤ የግጭት ና የሰላም እጦት መንሥኤ ፤ እንዲሁም የደም ነጋዴዎች ማትረፍያ እንደነበረ ፣ ገጣሚ ና ደራሲ በዕውቀቱ ሥዩም ፣ ” ከአሜን ባሻገር ”  በተሰኘ መፅሐፉ በገፅ 11 ላይ  እንዲህ በማለት ይገልፀዋል ።

” በዘመናችን ብሔርተኝነት ማለት ፣ሳይደክሙ ፣ የሌሎችን የድካም ውጤት መቀማት መሆኑንን አውቃለሁ ። አንድ ሰው በግሉ ስኬት መቀዳጀት ሲያቅተው ፣ በጥረታቸው ብልጫ ያስመዘገቡ ግለሰቦችን ስኬት ወደ ብሔር ስኬት ለውጦ ባዶነቱን ለመሙላት ይሞክራል ። ሌላው ፤ እልም የለ ፈሪ ሆኖ ሳለ “የበላይ ዘር ” እያለ ይፎክራል ። ብብቱ ውሥጥ ገብተው ካልደገፉት በቀር አልጋ ላይ መውጣት የማይችለው ሰውየ ፣ አበበ ቢቂላ በተነሳ ቁጥር “አበበ ኬኛ “ብሎ ይኩራራል ። በላይ ና አበበ ያስመዘገቡት ድል ፣ በላብና በደም የተገኘ የግለሰብ ጥረት ውጤት ነው። ድል በዘር አይተላለፍም ። የአባቶች ታላቅነት በዘር ወደ ልጆች የሚተላለፍ ቢሆን ኖሮ ግሪኮች በዛሬይቱ የአውሮፓ እግር ሥር እንደ ጉድፍ ወድቀው ባልተገኙ ነበር ። ብሔርተኝነት የግለሰብ ጥረትን ሰርቆ የራስን ድክመት  ለመሙላት የሚደረግ መሰሪ እንቅስቃሴ ነው ።

ከውስጥ አዋቂ የሰማሁት አንድ ገጠመኝ ምሥክር ይሁነኝ ። የአንድ የብሔር ጎበዝ አለቃ የሆነ ሽማግሌ በኢትዮጵያ በአንዱ ክፍል ይኖራል ። ሀለት አርብቶ አደር ብሔሮች በግጦሽ ሳር ወይም በውሃ ምክንያት ይጣላሉ ። ይኼኔ ይኽ ሽማግሌ በዘመናዊ ላንድ ክሩዘር ወደ አዲስ አበባ ተጠርቶ ይመጣና ግጭቱን እንዲያቆም ትእዛዝ ይተላለፍለታል ። ለግጭት መቆጣጠሪያም ተብሎ ዳጎስ ያለ ብር በሰፊው ኪሱ ውስጥ ሻጥ ይደረግለታል ። ሽማግሌው ወደ ግጭቱ ቦታ ተመልሶ ከተቃራኒው ወገን የተሰለፉትን አቻ የጎሣ መሪዎች ይጠራና ከተመደበለት ጉርሻ ያካፍላቸዋል ። እነሱም በራሳቸው መንገድ የተቀሰቀሰውን ግጭት ያበርዱታል ።

የጎሣ መሪ ሽማግሌዎች ገንዘባቸው ሲያልቅ እንደገና ግጭቱን ይቀሰቅሱታል ። ጎበዛዝት ይዘነጣጠላሉ ። ጎጆዎች ይቃጠላሉ ። ያዲስ አበባው መንግሥት ባለሥልጣናት ሽማግሌውን እንደገና ጠርተው ይለማመጡታል ። የደም ገንዘብ የለመዱ ሰላምን አርቀው ይቀብሯታል ።… ”

በመለሥ ዜናዊ የአገዛዝ ዘመን እና ከሞተም በኋላ በቀጠለው ወራሴ መንግሥቱ በየክልሉ  የቀጠለው ፣ ይህ አሳፋሪ ድርጊት ነበር  ። ይህንን አሳፋሪ  ድርጊት እና ሌሎች የዴሞክራሲ ና የሰብአዊ መብት ጥሰቶችን በመቃወም፣ወጣቶች ታላቅ ትግል አድርገው ፣ በመሰዋትነታቸው የዘረኞችን ወንበር ከተቸከለበት እንዲነቀል አድርገዋል ።

እነዚህ የአገራችን ወጣቶች ፣ የተደራጀ  ፓርቲ ሥለሌላቸው …” ቤተኛ ባይተዋር ” (የመደመር መንገድ ገፅ 3 ) በመሆን በህቡ ሲታገሉ የነበሩት ፣  ለኢትዮጵያ ህዝብ ሙሉ ነፃነት በመወገን ፤  የመለሥ ዜናዊ ሌጋሲን በታላቅ ጥንቃቄ እንዲቀበር በማደረግ ፤ የመሪነት መንበሩ ላይ ” የለውጡ አመራር ሰጪ ነን አገርን ወደ ሁለተናዊ ብልፅግና እናሻግራታለን ። ” በማለት መቀመጣቸውን አንዘነጋም ። እንሆ  በመንበሩ ከተቀመጡ  ሦሥት ዓመት ሆናቸው ። ( የለውጥ ኃይሎቹ  መጋቢት 24/2010 ዓ/ም የመሪነት ሥልጣንን እንደያዙ ይታወቃል  ። )

የመለሥ ዜናዊን የውርሥ መንገድ አብዮታዊ ዴሞክራሲን ሲያሥቀጥሉ የነበሩት ( ኋላ ላይ ልማታዊ አብዮታዊ ዴሞክራሲያዊ መንግሥት ተብሎ ነበር ። )  ከአንድ ሰው ፈላጭ ቆራጭነት ተላቀናል ፣ ለውጥን ፈላጊ የውሥጥ አርበኞች ነበርን በማለት በአደባባይ ምለውና ተገዝተው ፣ ኢትዮጵያዊነትን ከፍ በማድረጋቸውና የፈጠራቸውን እግዛብሔርን በባዓለ ሲመታቸው ወቅት  በማክበራቸው ድፍን ኢትዮጵያ ልባዊ ድጋፉን የዛሬ ሦሥት ዓመት ገልፆላቸዋል ። ( ሙሉ ታሪኩን የመደመር መንገድ መፀሐፍን አንብበህ ተረዳ ።)

በነገራችን ላይ  በዓለ ሲመት የሚለው ቃል ፣የሥልጣን የመጀመሪያ ቀን ማለት ነው ። ከዚህ የዘለለ ትርጉም የለውም ። ያሥልጣን መጀመሪያ ቀንን በተመለከተ አሜሪካ በህግ የተደገፈ ቀን ካላቸው ተጠቃሽ አገሮች ቀዳሚ ናት ።

በዓለ ሲመት የሚለው ቃል ተግባራዊ የሆነው ፣   ለመጀመሪያ ጊዜ በሚያዚያ 30/1789 እኤአ ጆርጅ ዋሽንግተን ፕሬዝዳንት ሲሆኑ ነው።    ከሦሥተኛው የአሜሪካ ፕሬዝዳንት ከቶማስ ጀፈርሰን ጀምሮም እሥከዛሬ በዋሽንግተን ዲሲ የበዓለ ሲመት ፕሮግራም ይከናወናል ።

በ1857 ለመጀመሪያ ጊዜ የፎቶ ካሜራ በሥራ ላይ በመዋሉ ፤   ፕሬዝዳንት ጀምስ ቤክን በባዓለ ሲመታቸወ ወቅት ፎቶ በመነሳት የመጀሪያው ፕሬዝዳንት ናቸው ።

ለመጀመሪያ ጊዜ በቴሌቪዥን ሥርጭት በጥቁርና ነጭ ፊልም  የታየው የ1949 (እአአ) የሃሪ ትሩማን በዓለ ሲመት ነው ።

የአሜሪካው ታላቅ የበዓለ ሲመት ክንዋኔ ከመጋቢት ሰባት ወደ ጥር 20  እኤአ  እንዲሆን የተወሰነው ፣ከፍራንክሊን ሩዝቬልት ፕሬዝዳትነት ጀምሮ ነው ።

በአሜሪካ በዓለ ሲመት ታሪክ መፅሐፍ ቅዱስ ይዞ መማል የተለመደ ነው ። ይሁን እንጂ ሦሥት ፕሬዝዳንቶች መፅሐፍ ቅዱሥ ላይ እጃቸውን ጭነው አልማሉም ።

በአሣፋሪ መልኩ በሚተኳቸው ፕሬዚዳንት የሥልጣን መረከቢያ የመጀመሪያ ቀን ያልተገኙ ተሰናባች ፕሬዝዳንት ዶናልድ ትራፕ ብቻ ናቸው ።

ከዚህ እውነት አንፃር በአገራችን በህግ የተደነገገ ቁርጥ ያለ የሥልጣን ሽግግር ቀን የለም። ይህ ማለት ደግሞ በዓለ ሲመት የሚባል ህጋዊ ክንውን በኢትዮጵያ እንደሌለ  ያረጋግጥልናል ።

መንግሥቱም መለሥም በጉልበት ነው ሥልጣን ላይ የወጡት ። በህዝብ ፈቃድና በምርጫ አይደለም። ኃይለማርያምም በኢህአዴግ ይሁንታ ነው ጠ/ሚ የሆኑት ። ሥልጣናቸውን በህዝባዊው ንቅናቄ አሥገዳጅነት በመልቀቃቸው ፣ በሳቸው እግር የተተኩት አብይ አህመድም  በኢህዴግ ውሥጥ የተደረገውን የለውጥ ትግል ከጓዶቻቸው ጋር ሆነው በማሸነፋቸው ነው ፤ የአገር መሪነቱን  መንበር በኢህአዴግ ምክር ቤት ምርጫ የያዙት ።

በኢትዮጵያ ታሪክ በትከክለኛ ፣ ነፃ ፣ተአማኒ ፣ ዴሞክራሲያዊ ና ሰላማዊ ምርጫ ወደ መንበሩ ላይ የመጣ መሪ እና በህግ የበላይነት  የሚያምን ነፃ የሆነ ጠንካራ ተቋማትን  ያደራጀ መንግሥት አልነበረም።

ይህንን እውነት አሥመልክቶ ጠ/ሚ አብይ አህመድ  ፣በቅርብ ለህትመት ባበቁት የመደመር መንገድ መፀሐፋቸው በገፅ 357    ኢትዮጵያ የተዘፈቀችበትን ችግር ከግሪክ አፈታሪክ “ የዳናኢደስ የሽቁሩ እንሥራን እና የ50 ሴቶችን ፣ በሽቁር እንሥራ ውሥጥ ዘላለም ዓለማቸውን ውሃ በመገልበጥ እንዲሞሉ የተደረገበትን ትርክት “ በማሥቀደም ፣ በተቋማት ጥንካሬ የሚያምን   መንግሥት ለመገንባት ቆርጠው መነሳታቸውን  በገደምዳሜ አሳውቀውናል ። ነፍሥ ሄር ፕሮፊሰር መሥፍን ወልደማሪያም “እንዘጭ እንቦጭ ” በማለት ከገለፁት ፣ በህዝብ ሥም ከሚነግድ ሥርዓት ፣ ወደ ህዝብ አገልጋይ ሥርዓት  በብልሃት መሻገር እንደሚያሥፈልግ ገልፀዋል ።

“…ብልህነት ሰለጎደለን በየጊዜው እሷን ይሞላልናል ያልነውን ውኃ ከማመላለስ በዘለለ ቆም ብለን እንሥራችን ሥለምን አልሞላችም ብለን አልጠየቅንም ።የማትሞላበትን ሽንቁሯን ዐውቆ ሊደፍንላት የሞከረ የለም ። በ1960ዎቹ አብዮት አካሂደናል ፤ እንስራው ውኃ እንዳልተጨመረበት ጎዶሎ ነው ። የ1997 ምርጫ ደግሞ ይሞላዋል ያልነው ቀርቶ ያለውንም አንጠፍጥፎ  እንሥራውን ጭራሽ ባዶ አደረገው ።ኢትዮጵያን ለመገንባት ፣ ይህችን ለዘመናት የጎደለች እንሥራችንን ለመሙላት ብዙ ሙከራዎች ተደርገዋል ። ያደረግናቸው ሙከራዎችንሁሉ ግን እንደ አፈታሪኩ ሽንቁር እንሥራ መሙላት ሆኖብናል ።….

…ህጋዊነት ፣ ሞያተኝነትና ተቋማዊ አሰራር ሥር ይዘው በተቋቋሙባቸው አገሮች ፣የፓለቲካ መዋቅሩ  ፣ሥርዓቱ ፣ ደንቡ ፣ መዓረጉና የመሳሰሉት አሠራሮች ቋሚና እንደመሬት ዘላቂ ናቸው ። የባንዲራቸው ዕድሜ በመቶና በሺ ለሚቆጠር ዓመታት ሊዘልቅ ይችላል። የህዝብ መዝሙሩ አያሌ ትውልድ አገልግሎ ገና የልጅ ፣ ልጅ  ልጆች ሊዘምሩት ይችላሉ ። የከተሞች፣ የመንገዶች ፣ የትምህርት ቤቶች ፣ ሥምና ባለቤትነት በመካከለኛው ክ/ዘ የጀመረ ሊሆን ይችላል ። ባልታሰቡ አሥገዳጅ ሁኔታዎች ሳቢያ የሚለወጡ አንዳንድ ጉዳዮች ሊኖሩ ቢችሉም ፤ አብዛኛው ነገር  ትውልድን በቋሚነት እንዲያገለግል ሆኖ ነተዘጋጀ ነው ።…”

ከዚህ የጠ/ሚ እይታ ተነስተን ፣ መፀሐፋቸውን በጥሞና አንብበን ፣  በለውጡ መሪ ህሊና ውስጥ ያለውን የታላቅ አገር የመፍጠር ራእይ መመልከት እንችላለን ።

ይህንን ሥል ፣ እያንዳንዱ ሰው ፣ ያለውን የግል ምልከታ በማክበር ነው ። ከህሊና እና ከገንዘብ ጋር የተሰለፈ ሰው ከቶም እንደማይጣጣምም አውቃለሁ ። … ለዚህም ነው ፤ ቅኔያዊ ግጥሜን “እጉርጉሮ ” በማለት ለፅሑፊ መግቢያ ያደረኩት ።

ለማንኛውም ከላይ ያነሳኋቸውን ጭብጦች በማሥተዋልና በታሪክ ውሥጥ የግለሰቦች ሚና ከፍተኛ መሆኑንን በማሥተዋል ነው ፤  የኢትዮጵያ ህዝብ ለሚቀጥሉት አምሥት ዓመታት የመሪነት ዕድል ለጠ/ሚ አብይ አህመድ  ቢሰጣቸው መልካም ነው የምለው ።

የጠ/ሚ አብይ አህመድ ሃሳብ ከአድማሥ ባሻገር በመሆኑ ብዙ ምሁራኖችን እንደሚያወዛግብ ይገባኛል ። ቢሆንም ግን አገር በደቦ ሳይሆን የተለየ ችሎታ ፣ ክህሎት ና ተሰጥኦ ባላቸው ግለሰቦች ሥትመራ ምን ያህል ለውጥ እንደምታመጣ ከአውሮፓ  ና አሜሪካ መማር እንችላለን ።

የእሥታሊንን አገር ታላቅ የማድረግ ህልም የዛሬዎቹ ሶቬቶች አይረሱትም ። የጆርጅ ዋሽንግተንን የነፃነት ትግልና የአሜሪካ የመጀመሪያ ፕሬዝዳትነት አሜሪካዊያን ለዘላለም ያሥታውሱታል ። የሮማን ኢምፓየር ታላቅነትነ እና ጁሊየስ ሲዛርን ማን ይረሳል ። የግሪክ ጥበበኛ መሪዎችን እና ንጉሥ ላሊበላንም እዚህ ላይ መጥቀሱ መልካም ነው ። ደሞምም ህንድ እንደ መሀተመ ጋንዲ አይነት መሪ ፤ አፍሪካ ደግሞ  እንደ ማንዴላ አይነት ይቅር ባይ መሪ እንደነበራት አሥታውስ ።

ብልህ ለሆኑ ፣ አሥቀድመው ነገሮችን በጥልቀት ለሚፈትሹ መሪዎች እድል መሥጠት ፣ የበዙ መልካም ነገሮችን እንዲፈጠሩና በሥራ ላይ እንዲውሉ   እንደሚያደርጋቸው ይታመናል ። አገራችን የተፈራ የመከላከያ ኀይልና በመላው ኢትዮጵያ ህግን ማሥከበር የሚችል የፖሊሥ ኃይል ሊኖራት የሚችለው እንደ ጠ/ሚ አብይ አህመድ ያሉ መሪዎች ፣በኢትዮጵያ ህዝብ  በግልፅ በአደባባይ የተመሠከረ የመመራት ዕድል ሲሰጣቸው ነው ብዬ አምናለሁ

3 Comments

  1. ለመለስ (ለለገሰ) ዜናዊ ገንዘብ እየለገስን በተገቢው መንገድ ባለሞያዎች ባልመከሩበት ሁኔታ ለሚገነባ ለአባይ ግድብ መዋጮ እየሰጠን ሥልጣኑን ያራዘምንለትም ከታሪክ ተወቃሽነት አናመልጥም።

    ብዙ ወገን ለነፃነታችን ሲዋደቅልን እየሰማን ሳንቲም እንኳን ሳንለግስ ፤ ለተቸገረ ሳንመፀውት ለመለስ አስተዳደር ግን ገንዘብ በመስጠታችን ፈጣሪ ዕንቅልፋችንን ብቻ ሳይሆን ትንፋሻችንንም ቢነሳን አያንሰንም።

  2. Well, you have the right to express your ideas and views of your own perspective the way you want to do so. This is not because it is simply right by itself and for itself but because it is an essential element of democracy.
    However, the very challenging question is how can you reconcile the very disturbing mismatch between the reality on the ground and the very political and moral decay of the man (Abyi Ahmed) who has kept and keeps preaching his preaching like a saint but terribly conspiring and doing totally the opposite . I do not know what kind of better evidence or convincing reason are you looking for than his extremely stupid but horrible political personality that has caused and keeps causing extremely shocking crimes by those brutal elements of the politics of Oromuma supported by his own party and government ! Are you saying that what has happened for three years and continued to happen to thousands and thousands of innocent citizens simply because of their ethnic and religious background with no any meaningful measure by the man you try to praise has never been enough and is not enough to tell what kind of politicians he is ? Are you serious ?
    Did you try to think big and deep by putting yourself and your family in the very position or situation of those innocent citizens who not only killed in a brutal manner but also their dead bodies were and are trashed much worse than the trash we normally know? Don’t you really feel some sort of moral sense within yourself when you try to praise the man ( Abyi Ahmed ) who is unfortunately at the very forefront of responsibility and accountability for his terribly hypocritical , conspiratorial, dishonest, and very crooked political personality that has left thousands and thousands and thousands of innocent citizens extremely horrified ? Are you saying that politicians like Abyi Ahmed and his brutal ruling gangs and killing machine (government) must be given more chances and time to the extent of taking the country into a total civil war that will be extremely difficult to manage? I am not saying this so called Prosperity Party which is the very remnant of the deadly cancerous political system of EPRDF can be defeated today and easily . But I strongly believe and argue that this huge and cancerous political system of EPRDF/ Prosperity will never become the positive factor let alone leader of a democratic system . And it should be challenged and forced to give way to a true democratic system with the continuation of a well defined and coordinated struggle ! The people of Ethiopia cannot afford the the very politics of replacing one brutal ruling circle with a much more cruel faction of the same brutal ruling circle at all!!!

  3. ዝነኛው፥ ኢትዮጵያዊ and emete
    ቦቅቧቃ ጭምብልህን ጣለዉና ማንነጥ ለሁሉም ይገለጥ፥፥ዉሥጣዊው ማንነጥ ክፉ ሥራህ ገልጦት ወጥቷል፥ብሽቅጥ ነፍሰገዳይ
    አንተ እከካም መጀመሪያ ያንተን ኢንግሊዘኛና የሀሳብ ጎርባጣነት አርቅ፥፥ አንተን ብሎ ሙሁር፥ ማሀይም የምትለዉ ማንን ነዉ?
    ነገር በመደጋገም ተፅዕኖ እፈጥራለሁ ብለህ ከሆነ አሁን አይቻልም ተነቅቶብሀል እዉነተኛዉ ማንታቹ ተገልጧል እስስትነታቹ፥ባንዳነታቹ፥የታሪክዝቃጭነታቹ ወደ አረብ አገር እጃችሁን የዘረጋቹ ለታ ተጋለጠ፥፥እናንተ የትግራዋይ ብቻ ሳይሆን የአማራም ጠላቶች ናቹ፥

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.